ഒരുപാട് ട്രീറ്റ്മെന്റൊക്കെ ചെയ്തു; നാല് മാസമൊക്കെ പട്ടിണി കിടന്നതെന്തിനെന്ന് എനിക്ക് അറിയില്ല: കവിയൂർ പൊന്നമ്മ പറഞ്ഞത്!

പൊന്നമ്മ സഹോദരിയെക്കുറിച്ചു പറഞ്ഞ വാക്കുകളാണ് ഇപ്പോൾ വീണ്ടും വൈറലായി മാറുന്നത്. എന്റെ ഇളയ അനുജത്തിയുടെ മരണം എനിക്ക് താങ്ങാവുന്നതിനും അപ്പുറം ആയിരുന്നു. എന്തിനാരുന്നെന്നോ, എങ്ങനെ ആയിരുന്നുന്നുവെന്നോ ഒന്നും അറിയത്തില്ല. ഒരു അസുഖവും ഉണ്ടായിരുന്നില്ല. ഇവിടെ ഒക്കെ ചികിത്സിച്ചിട്ട് ഭേദം ആകാത്തതാണ് എന്ന് കരുതി ഞാൻ അമൃതയിലേക്ക് അവളെ കൊണ്ടുപോയി.

രണ്ടാഴ്ചക്കാലം അവിടെ ഉണ്ടായിരുന്നു. ഇനി ചെയ്യാൻ ഒന്നുമില്ല. അതുപോലെ എല്ലാം ചെയ്തു. അസുഖം ഒന്നുമില്ല, എന്നാൽ അവൾ ആഹാരം കഴിക്കില്ലായിരുന്നു. അത് ആർക്കും അറിവില്ലയിരുന്നു. നാല് മാസമൊക്കെ ആഹാരം കഴിക്കാതിരുന്നാൽ എന്ത് ചെയ്യും. എന്തിനു വേണ്ടിയാണ് അങ്ങനെ ചെയ്തതെന്ന് എനിക്ക് അറിയില്ല. എന്നോട് ഒന്നും പറഞ്ഞിട്ടുമില്ല.

അവളുടെ മരണസമയം ഞാൻ വടക്കും നാഥന്റെ ഷൂട്ടിനായി ഋഷികേശിലായിരുന്നു. പോകുന്നതിന്റെ തലേ ദിവസം ഞാൻ കുറെ ചീത്ത ഒക്കെ പറഞ്ഞിട്ടാണ് പോകുന്നതും. പിന്നെ അതോർത്തിട്ട് ഞാൻ ഒരുപാട് വിഷമിച്ചു. ഞാൻ പോയി കഴിഞ്ഞപ്പോൾ അവൾ അത് പറഞ്ഞുകുറെ കരഞ്ഞിരുന്നു എന്ന് പിനീടാണ് ഞാൻ അറിയുന്നത്. എന്റെ അടുത്തിരുന്നില്ല എന്നൊക്കെ അവൾ പറഞ്ഞെന്ന് അറിഞ്ഞപ്പോൾ സങ്കടം വന്നു- പൊന്നമ്മ പറയുന്നു.

നീ എന്തിനാണ് ഇങ്ങനെ ഒക്കെ കാണിക്കുന്നത്, കൊച്ചിനെ ഓർക്കണ്ടേ എന്നൊക്കെ ചോദിച്ചുകൊണ്ട് ഞാൻ അൽപ്പം ദേഷ്യപ്പെട്ടായിരുന്നു. അതൊക്കെ ഇപ്പോൾ ഓർക്കുമ്പോൾ സങ്കടം ഉണ്ട്. രേണുകയ്ക്ക് ഒരു മോൾ ആണ്. അവൾ എന്റെ കൂടെയാണ് നിധി. എന്റെ മോൾ ബിന്ദു, അങ്ങനെ രണ്ടുമക്കളാണ് എനിക്ക്- പൊന്നമ്മ പറഞ്ഞു. എനിക്കും എന്റെ അമ്മയാണ് എന്നായിരുന്നു നിധി ഷോയിൽ വച്ച് പറയുന്നത്.