തലയില്‍ മുല്ലപ്പൂവ് ചൂടി, നീല സാരിയുടുത്ത്, ദിലീപിന്റെ കൈ ചേർത്ത് പിടിച്ച് കാവ്യയും കല്യാണത്തിന് വന്നു!

മലയാള സിനിമയിലെ നായികാ സങ്കല്‍പങ്ങള്‍ എല്ലാം ഒത്തുവന്ന നടിയാണ് കാവ്യ മാധവന്‍. ഒരു ദശകത്തിലേറെ മലയാള സിനിമയില്‍ നിറഞ്ഞു നിന്ന കാവ്യ ഇപ്പോള്‍ ഇന്റസ്ട്രിയില്‍ നിന്നും മാറി നില്‍ക്കുകയാണ് എങ്കിലും കാവ്യയെ സംബന്ധിച്ച വിശേഷങ്ങള്‍ എല്ലാം ആരാധകര്‍ക്ക് എന്നും പുതുമയുള്ളത് തന്നെയാണ്. അതുകൊണ്ടാണല്ലോ കാവ്യയുടെ ഓരോ പുതിയ ചിത്രം സോഷ്യല്‍ മീഡിയയില്‍ വരുമ്പോഴും അത് ആഘോഷിക്കപ്പെടുന്നത്.

നടി ആശ ശരത്തിന്റെ മകള്‍ ഉത്തരയുടെ കല്യാണത്തിന് കാവ്യ എത്തിയ ചിത്രങ്ങളും വീഡിയോകളും ആണ് ഇപ്പോള്‍ വൈറലാവുന്നത്. ദിലീപിന്റെ കൈ ചേര്‍ത്ത് പിടിച്ച് കാവ്യ വരുമ്പോള്‍ ചന്ദ്രനുദിയ്ക്കുന്ന ദിക്ക് മുതല്‍ മീശാമാധവനും, കൊച്ചിരാജാവും തുടങ്ങി പിന്നെയും വരെയുള്ള സിനിമകള്‍ റീവൈന്റ് ആയി മനസ്സിലൂടെ പോകും. ഒരു സിനിമയിലെ രംഗം എന്നത് പോലെയാണ് കാവ്യയുടെയും ദിലീപിന്റെയും എന്‍ട്രി.

നീല നിറത്തിലുള്ള സാരിയുടുത്ത്, തലയില്‍ മുല്ലപ്പൂവ് ഒക്കെ ചൂടിയാണ് കാവ്യ എത്തിയത്. മുഖത്ത് അപ്പോഴും ആ നിറഞ്ഞ ചിരിയുണ്ടായിരുന്നു. കല്യാണ പെണ്ണിനെയും ചെറുക്കനെയും കണ്ട് ആശംസിച്ച് പുറത്തേക്ക് ഇറങ്ങവെ, പൊതിഞ്ഞു വന്ന മാധ്യമപ്രവര്‍ത്തകരോട് ദിലീപ് പറഞ്ഞു, നല്ല ഭക്ഷണമാണ്, എല്ലാവരും പോയി ഭക്ഷണം കഴിക്കൂ എന്ന്.


കാവ്യ മാധവന്റെ ചിത്രം ആരാധകര്‍ ഏറ്റെടുത്തു കഴിഞ്ഞു. കാവ്യയെയും ദിലീപിനെയും കൂടാതെ നിരവധി സെലിബ്രിറ്റി താരങ്ങളും ആശ ശരത്തിന്റെ മകളുടെ കല്യാണം കൂടാന്‍ എത്തിയിരുന്നു. പക്ക ട്രഡീഷണലായിട്ടാണ് വിവാഹ ചടങ്ങുകള്‍ നടന്നത്. ആശ ശരത്തിന്റെ മകളുടെ വിവാഹ നിശ്ചയവും മാസങ്ങള്‍ക്ക് മുന്‍പ് സോഷ്യല്‍ മീഡിയയില്‍ വൈറലായിരുന്നു.