'എന്റെ സ്വന്തം മാല മാഷി' 'ഞങ്ങളുടെ മാലാഖ'; ദശമിയുടെ അന്ന് ദിലീപേട്ടന് ഭാഗ്യം കൊണ്ട് വന്ന കണ്മണി; മീനാക്ഷിക്ക് ഒപ്പം സോഷ്യൽ മീഡിയയുടെ മുത്തായവൾ; വിശേഷങ്ങൾ!

ഏറെ ഗോസിപ്പിപ്പുകൾക്ക് ഒടുവിലാണ് ദിലീപും കാവ്യ മാധവനും ഒരുമിച്ചത്. വിവാഹത്തിന് മണിക്കൂറുകള്‍ക്ക് മുന്‍പായാണ് പലരേയും ഇരുവരും അതേക്കുറിച്ച് അറിയിച്ചത്. 16 വര്‍ഷത്തെ ദാമ്പത്യ ജീവിതം അവസാനിപ്പിച്ച് വര്‍ഷങ്ങള്‍ പിന്നിടുന്നതിനിടയിലായിരുന്നു ദിലീപിന്റെ ജീവിതത്തിലേക്ക് കാവ്യ മാധവന്‍ എത്തിയത്. മകളായ മീനാക്ഷിയായിരുന്നു വിവാഹത്തിന് ചുക്കാൻ പിടിച്ചത്.

വര്ഷങ്ങളായി ഞങ്ങൾ തനിച്ചാണുണ്ടായിരുന്നത്. ഞങ്ങൾക്ക് ഒരു കൂട്ടുവേണം എന്ന് തോന്നിയപ്പോൾ ആണ് മറ്റൊരു വിവാഹത്തെ കുറിച്ച് ചിന്തിച്ചതെന്ന് ദിലീപ് പറഞ്ഞിട്ടുണ്ട്. പ്രായപൂർത്തിയായ മകൾ വളർന്നു വരുന്നതിൽ ആശങ്കയുണ്ടായിരുന്നു. ഷൂട്ടിംഗ് എറണാകുളത്തേക്കായി പരിമിതപ്പെടുത്തി. സുഹൃത്തുക്കളുടെയും ബന്ധുക്കളുടെയും നിർബന്ധപ്രകാരമാണ് കാവ്യയെ വിവാഹം ചെയ്തതെന്നും ദിലീപ് പറഞ്ഞിരുന്നു.

അച്ഛൻ എപ്പോഴാ വീട്ടിൽ വരുന്നതെന്ന മീനൂട്ടിയുടെ സ്ഥിരം ചോദ്യം അലട്ടിയിരുന്നതായി ദിലീപ് പല അഭിമുഖങ്ങളിലും വ്യക്തമാക്കിയിരുന്നു. ആ ചോദ്യം കേൾക്കുമ്പോൾ ലൊക്കേഷനിൽ നിൽക്കാനാവില്ല. സഹോദരി വര്ഷങ്ങളോളം അവരുടെ വീടുപേക്ഷിച്ചു കുടുംബവുമായി തന്റെ വീട്ടിൽ വന്നു നിന്നു. തനിക്ക് വേണ്ടി പലരും ബുദ്ധിമുട്ടുന്നത് പ്രയാസമുണ്ടാക്കിയതുകൊണ്ടാണ് വിവാഹത്തെകുറിച്ച് ചിന്തിച്ചതെന്ന് ദിലീപ് പറഞ്ഞിട്ടുണ്ട്.

കാവ്യയുമായുള്ള വിവാഹത്തിന് മകളുടെ സമ്മതം ആയിരുന്നു ആദ്യം നോക്കിയതെന്ന് ദിലീപ് പറഞ്ഞിട്ടുണ്ട്. കാവ്യ ജീവിതത്തിൽ കേട്ട ഗോസിപ്പുകൾ, ഞാൻ കാരണം ബലിയാട് ആകുന്നു എന്ന് തോന്നിയപ്പോൾ ആണ് കാവ്യയെ വിവാഹം ചെയ്യാൻ തീരുമാനിച്ചതെന്നും ദിലീപ് പറഞ്ഞിട്ടുണ്ട്. അച്ഛനൊപ്പം ആണ് മകൾ എന്നും നില കൊണ്ടിട്ടുള്ളത്. വിവാഹത്തിനും അച്ഛന്റെ വലതു കൈ പിടിച്ചു കൊണ്ട് മകളും നിന്നിരുന്നു. വിവാഹ ശേഷം കടുത്ത പ്രതിസന്ധികളായിരുന്നു ദിലീപ് നേരിട്ടത്. അപ്പോഴും അച്ഛനൊപ്പം തന്നെ മകൾ നിലകൊണ്ടു. ആ അച്ഛൻ മകൾ ബന്ധത്തിന്റെ തീവ്രതയെ കുറിച്ച് പലപ്പോഴും ചർച്ചകൾ നടന്നിട്ടുണ്ട്

മീനാക്ഷിയെ പോലെത്തന്നെ ആരാധകർ ഒട്ടും കുറവല്ല ദിലീപിന്റെ രണ്ടാമത്തെ മകൾ മഹാലക്ഷ്മിക്ക്. മഹാലക്ഷ്മിയുടെ ജനനത്തെക്കുറിച്ചും അതിന് ശേഷമുള്ള വിശേഷങ്ങളെക്കുറിച്ചുമെല്ലാം ഇരുവരും തുറന്നുപറഞ്ഞിരുന്നു. സിനിമയില്‍ സജീവമല്ലെങ്കിലും പൊതുവേദികളില്‍ താരമായി തിളങ്ങാറുണ്ട് കാവ്യ മാധവന്‍. എന്നാൽ മഹാലക്ഷ്മിയെ കാണാൻ പ്രേക്ഷർക്ക് അധികം കഴിഞ്ഞിട്ടില്ല.

മഹാലക്ഷ്മിയെ ഏറ്റവും ഒടുവിൽ ആരാധകർ കണ്ടത് കണ്ണൂർ എയർപോർട്ട് ചെക്കിങ് ഏരിയയിൽ വച്ചാണ്.

ദിലീപിന്‍റെ കൈകളിൽ ഇരിക്കുന്ന മഹാലക്ഷ്മി അച്ഛനും അമ്മയുമറിയാതെ ക്യാമറയിലേക്ക് നോക്കുന്നതു ആരാധകർ ആഘോഷമാക്കിയിരുന്നു. ദിലീപും കാവ്യ മാധവനും മഹാലക്ഷ്മിക്ക് ഒപ്പം നടത്തിയ ക്ഷേത്ര ദർശനത്തിന്റെ ചിത്രങ്ങളും വൈറലായിരുന്നു.

2018 ഒക്ടോബര്‍ 19-നാണ് ദിലീപിനും കാവ്യയ്ക്കും പെണ്‍കുഞ്ഞ് ജനിക്കുന്നത്.. കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു കാവ്യാ മാധവന്‍ കുഞ്ഞിന് ജന്മം നല്‍കിയത്. “പ്രിയപ്പെട്ടവരെ, ഈ വിജയദശമി ദിനത്തിൽ എന്റെ കുടുംബത്തിൽ മീനാക്ഷിക്ക്‌ ഒരു കുഞ്ഞനുജത്തികൂടി എത്തിയിരിക്കുന്നു. അമ്മയും കുഞ്ഞും സുഖമായിരിക്കുന്നു. നിങ്ങളുടെ സ്നേഹവും പ്രാർഥനയും എന്നും ഞങ്ങൾക്കൊപ്പമുണ്ടാവണം”, എന്നാണ് മകളുടെ ജനനം അറിയിച്ചു കൊണ്ട് ദിലീപ് കുറിച്ചത്.

വിജയദശമി ദിനത്തിൽ ജനിച്ചതുകൊണ്ടുതന്നെ മഹാലക്ഷ്മി എന്നാണ് ദിലീപ് മകൾക്ക് പേര് നൽകിയത്. തങ്ങളുടെ ദിലീപേട്ടന് ഭാഗ്യം കൊണ്ടുവന്ന രണ്ടാമത്തെ കൺമണി എന്നാണ് ആരാധകർ അഭിപ്രായപ്പെടുന്നത്. "ഒന്നാം പിറന്നാൾ ദിനത്തിൽ മഹാലക്ഷ്മി അച്ഛനും അമ്മയ്ക്കും,ചേച്ചിക്കും മുത്തശ്ശിക്കും ഒപ്പം. എന്ന് പറഞ്ഞുകൊണ്ടാണ് പിറന്നാൾ ആഘോഷ ചിത്രങ്ങൾ ദിലീപ് പങ്കിട്ടത്.

മീനാക്ഷിയുടെ വിശേഷങ്ങൾ പോലെ തന്നെ മഹാലക്ഷ്മിയുടെ ഒരു അപൂർവ ചിത്രമാണ് ഇപ്പോൾ സോഷ്യൽ മീഡിയയിൽ വൈറൽ ആകുന്നത് . കാവ്യയുടെ പ്രിയ കൂട്ടുകാരി സുജ കാർത്തിക മുൻപ് പങ്കിട്ടിരുന്ന ചിത്രമാണ് ഇപ്പോൾ ആരാധകർ കൗതുകത്തോടെ നോക്കി കാണുന്നത്.

ചിത്രത്തിൽ കുറുമ്പുകാട്ടുന്ന മഹാലക്ഷ്മിയാണുള്ളത്. 'എന്റെ സ്വന്തം മാല മാഷി' 'ഞങ്ങളുടെ മാലാഖ' എന്ന ക്യാപ്ഷ്യനോടെയാണ് സുജ ചിത്രം പങ്ക് വച്ചിരിക്കുന്നത്.