നടി ആക്രമിക്കപ്പെട്ട കേസിൽ കാവ്യയെ വീണ്ടും ചോദ്യം ചെയ്യും

കൊച്ചി: നടി ആക്രമിക്കപ്പെട്ടതുമായി ബന്ധപ്പെട്ട് അറസ്റ്റിലായ നടൻ ദിലീപിന്‍റെ ഭാര്യയും നടിയുമായ കാവ്യാ മാധവന്‍റെ മൊഴി വീണ്ടും രേഖപ്പെടുത്തും. ആവശ്യമെങ്കിൽ കാവ്യയെ വീണ്ടും വിളിച്ചുവരുത്തി ചോദ്യം ചെയ്യുമെന്ന് പോലീസ് വൃത്തങ്ങൾ വ്യക്തമാക്കി. സുനിൽ കുമാറിനെ മുൻപരിചയമില്ലെന്ന് ആദ്യഘട്ട ചോദ്യം ചെയ്യലിൽ കാവ്യ വെളിപ്പെടുത്തിയിരുന്നു. കാവ്യയുടെ മൊഴിയിലെ ഈ വിശദാംശങ്ങൾ പോലീസ് പരിശോധനയ്ക്ക് വിധേയമാക്കുകയാണ്.

ഇന്നലെയാണ് കാവ്യയെ അന്വേഷണ സംഘം ആറു മണിക്കൂറോളം ചോദ്യം ചെയ്തത്. ദി​ലീ​പി​ന്‍റെ ആ​ലു​വ​യി​ലെ ത​റ​വാ​ട്ടു വീട്ടിൽ ​വെച്ചാ​യി​രു​ന്നു ചോ​ദ്യം ചെ​യ്യ​ൽ. രാ​വി​ലെ 11ന്‌ തു​ട​ങ്ങി​യ ചോ​ദ്യം ചെ​യ്യ​ൽ വൈ​കി​ട്ട് അ​ഞ്ചു​ വ​രെ നീ​ണ്ടു. ചോ​ദ്യം ചെ​യ്യ​ലി​നോ​ട് ന​ടി പൂ​ർ​ണ​മാ​യും സ​ഹ​ക​രി​ച്ചിരുന്നതായി പോ​ലീ​സ് വൃ​ത്ത​ങ്ങ​ൾ വ്യക്തമാക്കിയിരുന്നു.

ന​ടി​യെ ആ​ക്ര​മി​ക്കു​ന്ന​തി​ന്‍റെ ദൃ​ശ്യ​ങ്ങ​ൾ പെ​ൻഡ്രൈ​വി​ലാ​ക്കി മാ​ഡ​ത്തി​ന് ന​ൽ​കി​യെ​ന്ന് കേ​സി​ലെ മുഖ്യ പ്ര​തി​യാ​യ പ​ൾ​സ​ർ സു​നി മൊ​ഴി ന​ൽ​കി​യി​രു​ന്നു. കാ​ക്ക​നാ​ട്ടെ ജ​യി​ലി​ൽ റി​മാ​ൻ​ഡി​ൽ ക​ഴി​യവേ ദി​ലീ​പി​നെ വി​ളി​ച്ച സു​നി പെ​ൻ​ഡ്രൈ​വ് കാ​വ്യ മാ​ധ​വ​ന്‍റെ സ്ഥാ​പ​ന​ത്തി​ലെ ബ​ന്ധു​വി​ന് കൈ​മാ​റി​യി​ട്ടു​ണ്ടെ​ന്നും പ​റ​ഞ്ഞി​രു​ന്നു. സം​ഭ​വം ന​ട​ന്ന രാ​ത്രി തന്നെ സുനിയും സംഘവും കാ​ക്ക​നാ​ട്ടെ കാ​വ്യ മാ​ധ​വ​ന്‍റെ ഉ​ട​മ​സ്ഥ​ത​യി​ലു​ള്ള ല​ക്ഷ്യ എ​ന്ന സ്ഥാ​പ​ന​ത്തി​ൽ എ​ത്തി​യെ​ന്ന് പോ​ലീ​സി​ന് ബോധ്യപ്പെട്ടിട്ടുണ്ട്.

Kavya Madhavan will be questioned again

Kavya Madhavan will be questioned again regarding Actress attack Case