നിർമ്മാതാവ് ജി സുരേഷ് കുമാറിൻറെയും നടി മേനകയുടേയും മകളായ കീർത്തി 2000-ത്തിൽ ബാലതാരമായി മലയാളത്തിലെത്തിയ ശേഷം ഇതിനകം നിരവധി സിനിമകളുടെ ഭാഗമായിട്ടുണ്ട്. അടുത്തിടെയാണ് നടിയെ കുറിച്ചുള്ള ചില ഗോസിപ്പുകൾ പ്രചരിക്കാൻ തുടങ്ങിയത്. ഇപ്പോഴിതാ താരത്തിന്റെ വിവാഹവുമായി ബന്ധപ്പെട്ട വാർത്തകളോട് പ്രതികരിക്കുകയാണ് നടിയുടെ അമ്മ മേനക സുരേഷ്.
ബാല്യ കാല സുഹൃത്തുമായി വിവാഹം
കീർത്തി സുരേഷ് തന്റെ ബാല്യ കാല സുഹൃത്തുമായി 10 വർഷമായി ബന്ധത്തിലാണെന്ന് ആയിരുന്നു വാർത്തകൾ പ്രചരിച്ചത്. ഇരുവരുടെയും മാതാപിതാക്കൾ ഗ്രീൻ സിഗ്നൽ നൽകിയെന്നും ഉടനെ ഇവരുടെ വിവാഹം നടക്കും എന്നും വാർത്തകൾ വന്നിരുന്നു. ഈ വാർത്തകളോട് പ്രതികരിച്ചെത്തിയിരിക്കുകയാണ് മേനക സുരേഷ്. കീർത്തിയുടെ വിവാഹത്തെക്കുറിച്ചുള്ള വാർത്തകൾ പൂർണ്ണമായും തെറ്റായതാണ് - എന്നാണ് മേനക പ്രതികരിച്ചത്.
അമ്മയുടെ മറുപടി ആശ്വാസകരം
ഈ വിഷയത്തെക്കുറിച്ച് കൂടുതൽ സംസാരിക്കാൻ ആഗ്രഹിക്കുന്നില്ലെന്നും മേനക ടൈംസ് ഓഫ് ഇന്ത്യയോട് പ്രതികരിച്ചു. മേനകയുടെ പ്രതികരണം വന്നതോടെ കീർത്തിയുടെ ആരാധകർ ആശ്വാസത്തിലാണ്‌. കാരണം ഇപ്പോൾ നടിക്കെതിരെ ഉയരുന്ന ഗോസിപ്പുകൾക്ക് കൂടിയാണ് മേനക മറുപടി പറഞ്ഞിരിക്കുന്നത്. മാത്രമല്ല ശരിയായ സമയത്ത് തന്റെ വിവാഹത്തെക്കുറിച്ച് കീർത്തി പ്രതികരിക്കും എന്ന ആകാംക്ഷയിൽ ആണ് ആരാധകർ.
മലയാളത്തിൽ ഏറ്റവും ഒടുവിൽ എത്തിയത്
കീർത്തി സുരേഷ് 2022-ലാണ് മലയാളം മൂവി 'വാശി'യിൽ എത്തിയത്. ചിത്രത്തിൽ ടൊവിനോ തോമസിനൊപ്പം ആണ് കീർത്തി സ്‌ക്രീൻ സ്‌പേസ് പങ്കിട്ടത്. തമിഴിൽ 'മാമന്നൻ', 'സൈറൻ', 'രഘു താത്ത', 'റിവോൾവർ റീത്ത' എന്നീ ചിത്രങ്ങളുടെ ഭാഗമാണ് കീർത്തി സുരേഷ്. തെലുങ്കിൽ മഹാനടി എന്ന സിനിമയിയൂലൂടെയാണ് മികച്ച നടിക്കുള്ള ദേശീയ പുരസ്കാരവും കീർത്തി നേടിയത്.
കീർത്തിയുടെ കീർത്തി ഉയരുന്നത്
2000-ൽ ആണ് ബാലതാരമായി കീർത്തി ചലച്ചിത്ര മേഖലയിലേക്ക് എത്തിയത്. ഫാഷൻ ഡിസൈനിൽ ലണ്ടനിൽ നിന്നുമാണ് കീർത്തി ബിരുദം നേടിയത്. പിന്നീടാണ് നായികയായി ചലച്ചിത്രരംഗത്തേക്ക് തിരിച്ചു വന്നത്. 2013-ൽ പ്രിയദർശൻ-മോഹൻലാൽ കൂട്ടുകെട്ടിൽ പിറന്ന ഗീതാഞ്ജലി എന്ന ചിത്രമാണ് നായികയായുള്ള കീർത്തിയുടെ ആദ്യ ചലച്ചിത്രം.