ഗ്ലാമറാകാന് തയ്യാറാണ്
ഗ്ലാമര് വേഷം ചെയ്യില്ല എന്ന് പറഞ്ഞോ എന്ന് ചോദിച്ചപ്പോള്, ഞാന് അങ്ങനെ ഒരു പ്രസ്താവന നടത്തിയിട്ടില്ല എന്ന് കീര്ത്തി ആദ്യം തന്നെ വ്യക്തമാക്കി. ഗ്ലാമര് എന്നാല് സൗന്ദര്യം എന്നാണ് അര്ത്ഥം. എന്നാല് ജനങ്ങള് അതിനെ നിര്വചിയ്ക്കുന്നത് ഏറ്റവും മോശമായ രീതിയില് ആണ്. ഗ്ലാമറാകാന് ഞാന് തയ്യാറാണ്, പക്ഷെ ശരീര ഭാഗങ്ങള് ഒരുപാട് കാണിച്ച് അഭിനയിക്കാന് തയ്യാറല്ല- കീര്ത്തി പറഞ്ഞു.
ശരീര ഭാരം കുറച്ചത്
ശരീര ഭാരം കുറച്ചതിനെ കുറിച്ചും കീര്ത്തി സംസാരിച്ചു. ഇപ്പോഴുള്ള ശരീര വണ്ണത്തില് ഞാന് കംഫര്ട്ട് ആണ്. ഇപ്പോള് എനിക്ക് ഇഷ്ടമുള്ള വേഷങ്ങള് എല്ലാം ധരിക്കാന് സാധിയ്ക്കുന്നുണ്ട്. മുന്പ് അതിന് സാധിയ്ക്കുകയില്ലായിരുന്നു. പക്ഷെ ചില ആരാധകര്ക്ക് എന്റെ ആ പഴയ ലുക്ക് ആണ് ഇഷ്ടം. അത് അവരുടെ അഭിപ്രായം ആണ്. അതിനെ ഞാന് തെറ്റായി കാണുന്നില്ല.
കഥാപാത്രങ്ങളാകുമ്പോള്
കഥാപാത്രങ്ങളില് ശ്രദ്ധ കേന്ദ്രീകരിയ്ക്കുക എന്നത് പ്രധാനമാണ്. ഒന്നില് കൂടുതല് സിനിമകളില് ഒരേ സമയ അഭിനയിക്കുക എന്നാല് അത് എന്നെ ഒരുപാട് ആശ്വസിപ്പിയ്ക്കുന്ന , സന്തോഷിപ്പിയ്ക്കുന്ന കാര്യമാണ്. എന്നില് തന്നെ കുടുങ്ങി നില്ക്കുന്നതിന് പകരം പല പല കഥാപാത്രങ്ങളായി മാറിക്കൊണ്ടിരിയ്ക്കുക എന്നാല് അതൊരു വല്ലാത്ത സുഖമാണ്. ഞാനത് ആസ്വദിയ്ക്കുന്നു.
കീര്ത്തി തിരക്കിലാണ്
സാനി കൈയിതം എന്ന ചിത്രമാണ് കീര്ത്തി സുരേഷിന്റെതായി ഏറ്റവും ഒടുവില് റിലീസ് ആയത്. മികച്ച അഭിപ്രായങ്ങളാണ് കീര്ത്തിയുടെ അഭിനയത്തിന് കിട്ടിക്കൊണ്ടിരിയ്ക്കുന്നത്. മഹേഷ് ബാബുവിനൊപ്പം അഭിനയിച്ച സര്ക്കാരു വാരി പാതയാണ് മറ്റൊരു ചിത്രം. സിനിമയ്ക്കും മികച്ച അഭിപ്രായങ്ങള് കിട്ടിക്കൊണ്ടിരിയ്ക്കുകയാണ്. മലയാളത്തില് ചെയ്ത വാശി എന്ന ചിത്രവും റിലീസിന് തയ്യാറെടുക്കുന്നു