സായ് പല്ലവിയെപ്പോലെ കീര്‍ത്തി സുരേഷും? ഗ്ലാമറസ് വേഷങ്ങളോട് മുഖം തിരിച്ച് താരപുത്രി?

താരപുത്രികളില്‍ പ്രധാനികളിലൊരാളാണ് കീര്‍ത്തി സുരേഷ്. മലയാളത്തിലൂടെ തുടക്കം കുറിച്ച് തമിഴിലും തെലുങ്കിലേക്കുമൊക്കെ പ്രവേശിച്ച താരത്തിന് ശക്തമായ ആരാധകപിന്തുണയാണ് ലഭിച്ചുകൊണ്ടിരിക്കുന്നത്. എല്ലാതരം കഥാപാത്രങ്ങളേയും അവതരിപ്പിക്കാന്‍ തനിക്ക് കഴിയുമെന്ന് തെളിയിച്ച കീര്‍ത്തി ഇതിനകം തന്നെ മികച്ച നടിക്കുള്ള ദേശീയ പുരസ്‌കാരവും സ്വന്തമാക്കിയിരുന്നു. അമ്മയ്ക്ക് പിന്നാലെയായെത്തിയ മകള്‍ ഓരോ നേട്ടവും കീഴടക്കി മുന്നേറുകയാണ്. അന്യഭാഷയിലെത്തിയതോടെയാണ് താരപുത്രിയുടെ കരിയര്‍ മാറി മറിഞ്ഞത്. സിനിമ സ്വീകരിക്കുന്നതിന് മുന്നോടിയായുള്ള കീര്‍ത്തിയുടെ നിബന്ധനകള്‍ നിര്‍മ്മാതാക്കളെ വെട്ടിലാക്കുന്നുണ്ടെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്.

Also Read: കിറുക്കുള്ള സുഹൃത്തുക്കള്‍ക്കൊപ്പമുള്ള മനോഹര നിമിഷങ്ങള്‍! അതീവ ഗ്ലാമറസായി റായി ലക്ഷ്മി; ചിത്രങ്ങള്‍

ഗ്ലാമറസ് പ്രകടനങ്ങളോട് താല്‍പര്യമില്ലെന്ന് നേരത്തെ തന്നെ കീര്‍ത്തി പറഞ്ഞിരുന്നു. അത്തരത്തിലുള്ള രംഗങ്ങളില്‍ അഭിനയിക്കേണ്ടതില്ലെന്ന തീരുമാനത്തിലാണ് താരം. മഹാനടിയിലൂടെ തെലുങ്ക് ജനതയുടെ ഹൃദയത്തില്‍ ഇടം പിടിച്ച താരത്തിന്റെ നിലപാടില്‍ അണിയറപ്രവര്‍ത്തകര്‍ ആശങ്കയിലാണ്. നടിയുടെ വളര്‍ച്ചയെ ഇത് ബാധിച്ചേക്കുമെന്നും മികച്ച അവസരങ്ങള്‍ നഷ്ടമാവുന്നതിലേക്ക് നയിക്കുമെന്നുമുള്ള വിലയിരുത്തലുകളും പുറത്തുവന്നിട്ടുണ്ട്. കഥാപാത്രത്തിന്റെ പൂര്‍ണ്ണതയ്ക്കായി ചില വീട്ടുവീഴ്ചകള്‍ ചെയ്യുന്നതിലെന്താണ് പ്രശ്‌നമെന്നാണ് ഒരുവിഭാഗത്തിന്റെ ചോദ്യം.

Also Read: അങ്ങനെയുള്ളത് മാത്രം സ്വീകരിക്കുക! അച്ഛന്‍ തന്ന ഉപദേശത്തെക്കുറിച്ച് അര്‍ജുന്‍ അശോകന്‍!

സാവിത്രിയില്‍ അഭിനയിക്കുന്നതിനിടയില്‍ നേരിട്ട ബുദ്ധിമുട്ടുകളെക്കുറിച്ചും താന്‍ നടത്തിയ പ്രയത്‌നങ്ങളെക്കുറിച്ചുമൊക്കെ മുന്‍പ് കീര്‍ത്തി തുറന്നുപറഞ്ഞിരുന്നു. സാവിത്രി അമ്മയെ മനോഹരമാക്കുന്നതിന് സഹായിച്ചത് അവരുടെ മകളാണ്. ശക്തമായ പിന്തുണയായിരുന്നു അവരില്‍ നിന്നും ലഭിച്ചത്. സിനിമയ്ക്ക് പിന്നില്‍ പ്രവര്‍ത്തിച്ചവരോടും നന്ദിയും കടപ്പാടുമുണ്ടെന്നും താരപുത്രി പറഞ്ഞിരുന്നു. കീര്‍ത്തി അഭിനയമാണ് തിരഞ്ഞെടുത്തതെങ്കില്‍ സഹോദരിയായ രേവതി സംവിധാനത്തിലാണ് താല്‍പര്യം പ്രകടിപ്പിച്ചത്. അധികം വൈകാതെ സ്വന്തം സിനിമയുമായി ചേച്ചി എത്തുമെന്നും താരപുത്രി മുന്‍പ് പറഞ്ഞിരുന്നു.

Also Read: 'ഉള്ളിൽ തീയുള്ള കലാകാരനെ ഒരു സംഘടനക്കും വിലക്കാനാവില്ല'; ഷെയ്ൻ നിഗം വിഷയത്തിൽ ജോയ് മാത്യു!

നാളുകള്‍ക്ക് ശേഷം മരക്കാര്‍ അറബിക്കടലിന്റെ സിംഹത്തിലൂടെ താരപുത്രി മലയാളത്തിലേക്ക് തിരിച്ചെത്തുകയാണ്. മോഹന്‍ലാല്‍-പ്രിയദര്‍ശന്‍ കൂട്ടുകെട്ടില്‍ പുറത്തിറങ്ങുന്ന ചിത്രത്തിനായി താരപുത്രന്‍മാരും താരപുത്രികളും ഒത്തുചേരുന്നുണ്ട്. പ്രണവ് മോഹന്‍ലാല്‍, കല്യാണി പ്രിയദര്‍ശന്‍, കീര്‍ത്തി സുരേഷ്, സിദ്ധാര്‍ത്ഥ്, രേവതി, അനി ശശി തുടങ്ങിയവരാണ് ക്യാമറയ്ക്ക് മുന്നിലും പിന്നിലുമായി അണിനിരക്കുന്നത്.

• Also Watch: ഒരു ഞായറാഴ്ച എന്ന ശ്യാമപ്രസാദ് ചിത്രത്തിൻ്റെ വിശേഷങ്ങളുമായി നായിക മേഘ തോമസ്