ഗോശ്രീ പാലത്തിലെ ബ്ലോക്കിൽ കുരുങ്ങിയെ ടൊവീനോയെ ബൈക്കിൽ കടത്തി പോലീസ്

ഹൈക്കോടതിയിൽ കഴിഞ്ഞ ദിവസം നടന്ന അഭിഭാഷക അസോസിയേഷന്‍റെ ചടങ്ങിൽ മുഖ്യാതിഥിയായി എത്തേണ്ട നടൻ ടൊവീനോ ട്രാഫിക് ബ്ലോക്കിൽ കിടന്നത് രണ്ട് മണിക്കൂറിലേറെ. ഒക്ടോബർ ഒന്നിന് വൈകീട്ട് ആറിന് തുടങ്ങേണ്ട ഉദ്ഘാടനച്ചടങ്ങിനായി ഹൈക്കോടതി ജഡ്ജിമാരും മറ്റു വിശിഷ്ടാതിഥികളും രണ്ടുമണിക്കൂറിലേറെ താരത്തിനായി കാത്തിരുന്നു. പക്ഷേ ഈ സമയമത്രയും വൈപ്പിൻ ഗോശ്രീ പാലത്തിലെ ഗതാഗതക്കുരുക്കിൽ അകപ്പെട്ടിരിക്കുകയായിരുന്നു നടൻ.

Also Read: അവാര്‍ഡ് വേദിയില്‍ ടൊവീനോയുടെ പുഷ്‌അപ്പ്; കൈയ്യടിച്ച് മോഹൻലാലും പൃഥ്വിയും

സിവിൽ പൊലീസ് ഓഫിസർ സുനിൽകുമാറിന്‍റെ സമയോചിതമായ ഇടപെടൽ മൂലം പിന്നെ ബൈക്കിൽ ടൊവീനോയെ ഹൈക്കോടതിയിൽ എത്തിയിരിക്കുകയായിരുന്നു.ടൊവീനോ തോമസിനെ ഗതാഗതക്കുരുക്കിൽനിന്ന് മോചിപ്പിച്ച് ബൈക്കിലാണ് ഹൈക്കോടതിയിൽ അഭിഭാഷക അസോസിയേഷന്‍റെ ചടങ്ങിലെത്തിച്ച് സുനിൽകുമാർ താരമായത്. തന്‍റെ ഇഷ്ടതാരത്തെ ബൈക്കിനു പുറകിൽ കയറ്റി യാത്ര ചെയ്ത അദ്ദേഹം ടൊവീനോയുമൊപ്പം ഒരു സെൽഫിയുമെടുക്കാൻ മറന്നില്ല.

Also Read: 'ഫോറൻസിക്കി'ൽ ടൊവീനോയൊടൊപ്പം 17 പുതുമുഖങ്ങളും

ഒക്ടോബർ ഒന്നി വൈകീട്ട് ഗോശ്രീ പാലത്തിലുണ്ടായ ഗതാഗതക്കുരുക്കിലാണ് ടൊവിനോയുടെ കാർ അകപ്പെട്ടത്. ഗോശ്രീയിലെ രണ്ട് പാലങ്ങള്‍ തകരാറിലായി കിടക്കാൻ തുടങ്ങിയിട്ട് ഒരു മാസത്തിലേറെയായി. ഇതുമൂലം വൈകീട്ട് എല്ലാദിവസവും ഈ ഭാഗത്ത് ഗതാഗത തടസ്സം പതിവാണ്.

Also Read: കലിപ്പ് കട്ടക്കലിപ്പ്; ടൊവിനോ ചിത്രം 'കൽക്കി'

‘ഞാൻ ബ്ലോക്കിലാണ് ഒരു ബൈക്ക് കിട്ടിയാൽ വരാമായിരുന്നു...’ എന്ന് പോലീസ് മേലധികാരിയെ വിളിച്ച് ടൊവീനോ അറിയിച്ചതനുസരിച്ചാണ് ജില്ലാ പൊലീസ് മേധാവിയുടെ നിർദേശാനുസരണം ഹൈക്കോടതിയിൽ ഡ്യൂട്ടിചെയ്തിരുന്ന പൊലീസ് ഓഫീസർ മണ്ണഞ്ചേരി കാവുങ്കൽ കിഴക്കേ നെടുമ്പള്ളി വീട്ടിൽ സുനിൽകുമാർ ബൈക്കിൽ ടൊവീനോയെ ഹൈക്കോടതിയിലെത്തിച്ചത്.
ഈ കൃത്യത്തിന് ഉന്നത ഉദ്യോഗസ്ഥരുടെ അഭിനന്ദനത്തിനും സുനിൽ അർഹനായിരിക്കുകയാണ്. ടൊവീനോ ബൈക്കിൽ ഹൈക്കോടതിയിൽ വന്നിറങ്ങുന്ന വീഡിയോയും സോഷ്യൽമീഡിയയിൽ വൈറലായി കഴിഞ്ഞിട്ടുണ്ട്.