ഇനി ഈ വിഷയത്തിൽ ഭൂകമ്പം ഉണ്ടാക്കേണ്ട; രാമകൃഷ്ണൻ പറഞ്ഞതാണ് സത്യമെന്ന് കെപിഎസി ലളിത

കൊച്ചി∙ ഒടുവിൽ ആർൽഎവി രാമകൃഷ്ണൻ പറഞ്ഞതാണ് സത്യമെന്ന് സമ്മതിച്ച് നടിയും സംഗീത നാടക അക്കാദമി ചെയര്‍പേഴ്സണുമായ കെപിഎസി ലളിത. സംഗീത നാടക അക്കാദമി വിവാദത്തില്‍ ആർഎൽവി രാമകൃഷ്ണൻ ഉന്നയിക്കുന്ന ആരോപണങ്ങള്‍ അവാസ്തവവും ദുരുദ്ദേശപരവുമെന്ന് കഴിഞ്ഞ ദിവസം പറഞ്ഞ ഇവര്‍ ഇപ്പോള്‍ അതിന് നേര്‍ വിപരീതമായ കാര്യങ്ങളാണ് പറഞ്ഞിരിക്കുന്നത്.

Also Read: ടൊവിമുത്ത് തിരികെ വരും, ഇച്ഛാശക്തിയുള്ള നടനാണ്, മനുഷ്യനാണ്: ഹരീഷ് പേരടി

ഈ വിഷയത്തിൽ ഭൂകമ്പമൊന്നും ഉണ്ടാക്കേണ്ടതില്ല, രാമകൃഷ്ണന് അവസരം നിഷേധിച്ച സംഭവത്തിൽ തന്‍റേതയി പുറത്തു വന്നിരിക്കുന്ന പത്രക്കുറിപ്പിനെക്കുറിച്ച് ആർൽഎവി രാമകൃഷ്ണൻ പറഞ്ഞതാണ് സത്യമെന്നാണ് കെപിഎസി ലളിത പറഞ്ഞരിക്കുന്നത്, ഇതിൽ കൂടുതൽ പ്രതികരിക്കാനില്ലെന്നും കെപിഎസി ലളിത മനോരമ ഓൺലൈനോട് വ്യക്തമാക്കിയിരിക്കുകയാണ്.

അക്കാദമിയുടെ ഓൺലൈൻ പരിപാടിയായ സര്‍ഗ്ഗ ഭൂമികയുടെ നൃത്തത്തിൽ പങ്കെടുക്കാൻ താൻ അപേക്ഷ നൽകിയിട്ടില്ലെന്നും സംസാരിച്ചിട്ടില്ലെന്നും പറഞ്ഞ് കെപിഎസി ലളിതയുടേതായി പുറത്തു വന്നിരുന്ന പത്രക്കുറിപ്പ് അക്കാദമി സെക്രട്ടറിയുടെ കളിയായിരിക്കുമെന്നും ലളിത ചേച്ചി ഒരിക്കലും അങ്ങനെ പറയില്ലെന്നുമാണ് കഴിഞ്ഞ ദിവസം കലാഭവൻ മണിയുടെ സഹോദരൻ രാമകൃഷ്ണൻ പറഞ്ഞിരുന്നത്. ഇതേ കുറിച്ച് കെപിഎസി ലളിതയോട് ചോദിച്ചപ്പോഴാണ് അവര്‍ പ്രതികരിച്ചിരിക്കുന്നത്.

Also Read: 'നിനച്ചിരിക്കാത്തത് സംഭവിച്ചു'; കൊവിഡ് വന്നു പോയെന്ന് ഗൗതമി നായര്‍

സംഗീത നാടക അക്കാദമി സംഘടിപ്പിച്ച ഓൺലൈൻ നൃത്തപരിപാടിയായ സർഗ്ഗ ഭൂമികയിൽ നൃത്തം ചെയ്യുന്നതിനായി ആര്‍എൽവി രാമകൃഷ്ണൻ അപേക്ഷിച്ചതിനെ തുടര്‍ന്നായിരുന്നു കഴിഞ്ഞ ദിവസം സംഭവങ്ങള്‍ തുടങ്ങിയത്. മോഹിനിയാട്ടത്തിന് അവസരം തരാനാകില്ലെന്നും പ്രഭാഷണത്തിന് അവസരം നൽകാമെന്നുമായിരുന്നു അക്കാദമി സെക്രട്ടറിയുടെ നിലപാട്. അക്കാദമി ചെയർപേഴ്സൺ കെപിഎസി ലളിതയും ഇതിനിടയിൽ ആർഎൽവി രാമകൃഷ്ണനായി മാധ്യസ്ഥം പറയാനെത്തി. എന്നാൽ പിന്നീട് ചെയർപഴ്സൺ വാക്കുമാറ്റുകയായിരുന്നു. അക്കാദമിയുടെ ജാതി, ലിംഗ വിവേചനത്തെ കുറിച്ച് പറഞ്ഞ രാമകൃഷ്ണൻ താൻ പറഞ്ഞതിനെതിരായി കെപിഎസി ലളിതയുടെ പത്രക്കുറിപ്പ് പുറത്തു വന്നതോടെ സമ്മർദത്തിലാകുകയായിരുന്നു.

Also Read: കലാകാരനാണ് സ‍ർ; കൊല്ലാക്കൊല ചെയ്യരുത്!

ഇതോടെ ആത്മഹത്യാ ശ്രമത്തിനായി അമിതമായ തോതിൽ ഉറക്ക ഗുളികകഴിച്ച് ഗുരുതരാവസ്ഥയിൽ ആശുപത്രിയിലാകുകയുമായിരുന്നു. ചികിത്സയ്ക്കുശേഷം വീട്ടിൽ വിശ്രമത്തിലിരിക്കുകയാണ് ഇപ്പോള്‍ രാമകൃഷ്ണൻ.

Also Watch :