Also Read: 'ഭാഗ്യം, തലയിലെഴുത്ത് ഇതിലൊക്കെ ഇപ്പോൾ വിശ്വാസമുണ്ട്, അനുഭവങ്ങളാണ് അതിനു പിന്നിൽ': തുറന്ന് പറഞ്ഞ് സ്വാസിക!
'വാസന്തി'
ഇപ്പോഴിതാ വാസന്തി എന്ന സിനിമയിലെ ടൈറ്റിൽ റോൾ അവതരിപ്പിച്ച സ്വാസിക മനസ് തുറക്കുകയാണ്. മോഹൻലാലിന്റെ നല്ല വാക്കുകളാണ് തനിക്ക് ആത്മവിശ്വാസം പകർന്നതെന്ന് സ്വാസിക പറഞ്ഞു. മാതൃഭൂമിക്ക് നല്‍കിയ അഭിമുഖത്തിലാണ് സ്വാസിക ഇക്കാര്യം പറഞ്ഞത്.
'നല്ല കഥാപാത്രങ്ങള്‍'
നല്ല കഥാപാത്രങ്ങള്‍ ചെയ്ത് തെളിയിച്ചാലല്ലേ അംഗീകാരം പ്രതീക്ഷിക്കുന്നതില്‍ അര്‍ത്ഥമുളളൂ എന്നും അംഗീകാരം കിട്ടാന്‍ വൈകി എന്ന് തോന്നുന്നില്ലെന്നും മികച്ച കഥാപാത്രങ്ങള്‍ കിട്ടാനാണ് വൈകിയതെന്നും സ്വാസിക പറഞ്ഞു. അഭിനയിക്കാന്‍ എത്തിയിട്ട് പത്തിലേറെ വര്‍ഷമായെങ്കിലും രണ്ട് വര്‍ഷം മുമ്പാണ് അഭിനയ സാധ്യതകളുളള കഥാപാത്രങ്ങള്‍ ലഭിച്ചുതുടങ്ങിയതെന്നും സ്വാസിക.
'ഒരു നായികയ്ക്ക് വേണ്ട ലുക്ക് ഇല്ലെന്നുമൊക്കെ തന്നോട് പലരും തുടക്കകാലത്ത് പറഞ്ഞിരുന്നു'
വലിയ മൂക്കാണെന്നും മുഖം നിറയെ കുരുക്കളാണെന്നും ഒരു നായികയ്ക്ക് വേണ്ട ലുക്ക് ഇല്ലെന്നുമൊക്കെ തന്നോട് പലരും തുടക്കകാലത്ത് പറഞ്ഞിരുന്നുവെന്നും സ്വാസിക പറയുന്നു. ഒരു പ്രശസ്ത നടിയും എന്നെപ്പറ്റി അങ്ങനെ പറഞ്ഞപ്പോള്‍ താൻ ശരിക്കും തകര്‍ന്നുപോയെന്നും എന്നാല്‍ അഭിനയത്തിന്റെ അളവുകോല്‍ സൗന്ദര്യം മാത്രമല്ല എന്ന സത്യം തനിക്ക് ആത്മവിശ്വാസം പകർന്നുവെന്നും നടി പറഞ്ഞു.
'ഈ വാക്കുകൾ തനിക്ക് ആത്മവിശ്വാസം നല്‍കി'
നമ്മുടെ സൌന്ദര്യമല്ല, ചെയ്യുന്ന കഥാപാത്രങ്ങളിലൂടെ ആളുകള്‍ക്ക് നമ്മോട് ഇഷ്ടം തോന്നുന്നതാണ് പ്രധാനം എന്നാണ് ലാലേട്ടൻ തന്നോട് പറഞ്ഞത്. ഈ വാക്കുകളാണ് തനിക്ക് ആത്മവിശ്വാസം നല്‍കിയതെന്നും സ്വാസിക അഭിമുഖത്തിൽ തുറന്ന് പറഞ്ഞു. സ്വാസികയുടെ വാക്കുകളൊക്കെ മോഹൻലാൽ ആരാധകരുൾപ്പെടെ ഏറ്റെടുത്തിരിക്കുകയാണ് ഇപ്പോൾ.