മോഹന്‍ലാലിനെതിരെ ചലച്ചിത്ര അക്കാദമി അംഗങ്ങള്‍

തിരുവനന്തപുരം: സംസ്ഥാന ചലച്ചിത്ര പുരസ്‌കാര വിതരണ ചടങ്ങില്‍ മോഹന്‍ലാലിനെ മുഖ്യാതിഥിയാക്കുന്നതിനെതിരെ ചലച്ചിത്ര അക്കാദമി ജനറല്‍ കൗണ്‍സില്‍ അംഗങ്ങള്‍ രംഗത്ത്. തിരുവനന്തപുരത്ത് അടുത്ത മാസം എട്ടിന് നടക്കുന്ന സംസ്ഥാന ചലച്ചിത്ര പുരസ്‌കാര വിതരണ ചടങ്ങിൽ മോഹൻലാലാണ് മുഖ്യാതിഥി.

ജൂറി അംഗം ഡോ.ബിജു, അക്കാദമി ജനറല്‍ കൗണ്‍സില്‍ അംഗം വി.കെ.ജോസഫ് എന്നിവര്‍ പരസ്യമായി രംഗത്ത് വന്നിരിക്കുകയാണ്. മോഹന്‍ലാല്‍ വന്നാല്‍ ചടങ്ങില്‍ പങ്കെടുക്കില്ലെന്ന് ഡോ.ബിജുവും, അവാര്‍ഡ് നേടിയവര്‍ക്കും മുഖ്യമന്ത്രിക്കുമാണ് പ്രാധാന്യം വേണ്ടതെന്ന് വി.കെ.ജോസഫും വ്യക്തമാക്കി.