കെജി ജോര്‍ജും സല്‍മയും
തന്നെക്കുറിച്ചുള്ള ഡോക്യുമെന്ററിയില്‍ കെജി ജോര്‍ജ് കുടുംബജീവിതത്തെക്കുറിച്ച് സംസാരിച്ചിരുന്നു. സല്‍മയുമായുള്ള കൂടിക്കാഴ്ചയെക്കുറിച്ചും ആ ബന്ധം വിവാഹത്തിലെത്തിയതിനെക്കുറിച്ചും അദ്ദേഹം വിശദീകരിച്ചിരുന്നു. ഭര്‍ത്താവിനെക്കുറിച്ച് സല്‍മയും വിശദമായി സംസാരിക്കുന്നതും ഡോക്യുമെന്ററിയിലുണ്ട്. ഈ വീഡിയോ സോഷ്യല്‍മീഡിയയിലൂടെ വൈറലാവുകയും ഇരുവരും പറഞ്ഞ കാര്യങ്ങള്‍ ചര്‍ച്ചയാവുകയുമായിരുന്നു.
നല്ലൊരു കുടുംബനാഥനല്ല
ഭര്‍ത്താവ് നല്ലൊരു കുടുംബനാഥനാണെന്ന് ഞാനൊരിക്കലും പറയില്ല. ജീവിതത്തില്‍ ആരോടും, കുടുംബത്തോട് സെന്റിമെന്‍സ് ഇല്ലാത്ത ആളാണ് അദ്ദേഹം. ഈ മനുഷ്യന്‍ എന്താണ് ഇങ്ങനെയെന്നൊക്കെ ആലോചിച്ചിട്ടുണ്ട്. സുഹൃത്തുക്കളോടാണ് കൂടുതല്‍ താല്‍പര്യം. സിനിമകളില്‍ സ്ത്രീപ്രാധാന്യം നല്‍കുന്ന അദ്ദേഹത്തിന് സ്വന്തം അമ്മയുടെയോ ഭാര്യയുടെയോ മനസ് മനസിലാക്കാന്‍ കഴിഞ്ഞിട്ടില്ല.
അത്ഭുതമാണ്
ഇത്രയും വര്‍ഷം ഞാനെങ്ങനെ ഇദ്ദേഹത്തിനൊപ്പം ജീവിച്ചു എന്നോര്‍ത്ത് അത്ഭുതം തോന്നാറുണ്ട്. ഇമോഷണല്‍ രംഗങ്ങളൊക്കെ കാണുമ്പോള്‍ സങ്കടം തോന്നാറൊക്കെയുണ്ട് അദ്ദേഹത്തിന്. അത്തരത്തിലുള്ള ഫീലിംഗ്‌സ് എന്തുകൊണ്ട് സ്വന്തം ഭാര്യയോട് തോന്നുന്നില്ല, അവരെ മനസിലാക്കാന്‍ കഴിയാതെ പോയതെന്തുകൊണ്ടാണെന്നും സല്‍മ ചോദിക്കുന്നുണ്ട്.
ഫഹദുമായുള്ള താരതമ്യ കമന്റുകളെക്കുറിച്ച് വിഷ്ണു അഗസ്ത്യ
താരയുടെ പ്രതികരണം
പോസിറ്റീവായിട്ട് നോക്കുകയാണെങ്കില്‍ എന്റെ മമ്മിയുടെയും ഡാഡിയുടെയും കെമിസ്ട്രിയാണ് അവിടെ കാണുന്നത്. ഒന്നിച്ചിരുന്ന് സ്വയം വിലയിരുത്തി സംസാരിക്കാനുള്ളൊരു ധൈര്യം. ഡാഡി എന്റെ മമ്മിക്ക് അത്രയും ഫ്രീഡം കൊടുത്തിരുന്നു. മമ്മിക്ക് ഏത് കരിയര്‍ തിരഞ്ഞെടുക്കാനും അതുമായി മുന്നേറാനുമുള്ള സ്വാതന്ത്ര്യമുണ്ടായിരുന്നു. മമ്മി പാടുന്നതൊന്നും ഡാഡി എതിര്‍ത്തിരുന്നില്ല. ഏഷ്യാനെറ്റ് ന്യൂസിന് നല്‍കിയ അഭിമുഖത്തിലായിരുന്നു താരയുടെ പ്രതികരണം.
നെഗറ്റീവായി കാണരുത്
ഞാനോ സഹോദരനോ സിനിമയിലേക്ക് വരികയാണെങ്കില്‍ ഒരിക്കലും നോ പറയില്ലെന്ന് ഡാഡി വ്യക്തമാക്കിയിരുന്നു. അത് നമ്മുടെ ഇഷ്ടമാണ്. എന്റെ ഡാഡിയുടെയും മമ്മിയുടെയും കെമിസ്ട്രി ഒരു സര്‍ഗാസമാണ്. പോസിറ്റിവിറ്റിയോടെ കാണണം അത്. എന്റെ മമ്മിക്ക് ഡാഡിയെ ഉപേക്ഷിക്കാനുള്ള ഫ്രീഡം ഉണ്ടായിരുന്നല്ലോ, പക്ഷേ, ഒരിക്കലും ഇട്ടിട്ട് പോയില്ല. നെഗറ്റീവായിട്ട് എടുക്കേണ്ട കാര്യമല്ല അതെന്നും താര വ്യക്തമാക്കിയിരുന്നു.