ദിലീപിന് കാവ്യയെ ഇഷ്ടമായിരുന്നു, അടൂർ ഭാസി തന്നെ വേട്ടയാടിയിരുന്നു: കെ പി എ സി ലളിത

ദിലീപും കാവ്യയും പ്രണയത്തിലായിരുന്നില്ല എന്ന വാദം പൊളിയുന്നു. ജെ ബി ജംഗ്ഷനിൽ പരിപാടിയിൽ ജോൺ ബ്രിട്ടാസിന് നൽകിയ അഭിമുഖത്തിലാണ് കെ പി എ സി ലളിത ദിലീപിന്‍റെയും കാവ്യയുടെയും ബന്ധത്തെ കുറിച്ച് പറഞ്ഞത്.

ദിലീപിന് കാവ്യയെ നേരത്തെ ഇഷ്ടമായിരുന്നു. കാവ്യയെ ഇഷ്ടമാണെന്ന് പലപ്പോഴും ദിലീപ് പറയുമായിരുന്നു. ഭയങ്കര പൊട്ടിയാണ് കാവ്യ. കാവ്യ ഒരു മന്ദബുദ്ധിയാണെന്നുമെല്ലാം ദിലീപ് പറയുമായിരുന്നു. എന്നാൽ അപ്പോഴൊക്കെ ചിരിച്ചു തള്ളുകയാണ് ഞങ്ങൾ ചെയ്തത്.

എന്നാൽ ദിലീപിനോട് രണ്ടാമത് കല്യാണം കഴിക്കാൻ ഉപദേശിച്ചിരുന്നോ എന്ന ചോദ്യത്തിന് ഇല്ല എന്ന് ലളിത പറഞ്ഞു. കല്യാണമൊക്കെ അവനവന് തോന്നി ചെയ്യേണ്ടതാണ്. എന്‍റെ മകനോടും ഞാൻ രണ്ടാമത് വിവാഹം ചെയ്യാൻ പറഞ്ഞിട്ടില്ല.

സിനിമയിൽ താനുമായി ബന്ധം പുലർത്തിയിരുന്ന ആളുകളെ കുറിച്ചും ലളിത വാചാലയായി. തോപ്പിൽ ഭാസി തനിക്ക് കാമുകനും രക്ഷാകർത്താവും സുഹൃത്തും അമ്മാവനും എല്ലാം ആയിരുന്നു. എന്ത് പേരിലും ഭാസി ചേട്ടനെ വിളിക്കാം.

ജീവിതത്തിൽ തന്നെ ഏറ്റവും കൂടുതൽ വേട്ടയാടിയിട്ടുള്ള ആളാണ് അടൂർ ഭാസി. വിവാഹം കഴിക്കാതെ കൂടെ നിർത്താനായിരുന്നു ശ്രമം. എന്നാൽ താൻ അതിന് തയ്യാറായിരുന്നില്ല. ഇതുമൂലം നിരവധി സിനിമകൾ തനിക്ക് ലഭിക്കാതെ പോയിട്ടുണ്ട്. ഒരിക്കൽ മദ്രാസിലെ വീടിന് മുൻപിൽ രാത്രി മദ്യപിച്ച് നഗ്ന്നനായി ബഹളം വെച്ചു. പിന്നീട് പിറ്റേദിവസം ബഹദൂർ എത്തിയാണ് ഭാസിയെ കൂട്ടി കൊണ്ട് പോയതെന്ന് ലളിത പറഞ്ഞു.