എന്തൊക്കെയോ കാണിക്കുന്നു! കാമുകനൊപ്പമുള്ള ഡാന്‍സിനെക്കുറിച്ച് ദിയ കൃഷ്ണ പറയുന്നത്? വൈറലായി വീഡിയോ

അഹാനയെപ്പോലെ തന്നെ പ്രേക്ഷകര്‍ക്ക് പ്രിയങ്കരിയായി മാറിയ താരമാണ് ദിയ കൃഷ്ണ. ഡാന്‍സില്‍ മാത്രമല്ല അഭിനയത്തിലും കഴിവുണ്ടെന്ന് ദിയ തെളിയിച്ചിരുന്നു. റീല്‍സ് വീഡിയോയുമായും സജീവമാണ് ദിയ കൃഷ്ണയും. കാമുകനൊപ്പമുള്ള ഡാന്‍സ് വീഡിയോയുമായും ദിയ എത്തിയിരുന്നു. ക്ഷണനേരം കൊണ്ട് തന്നെ വീഡിയോ വൈറലായി മാറിയിരുന്നു. സമാന്തയുടെ സൂപ്പര്‍ഹിറ്റ് ഗാനത്തിനൊപ്പമായാണ് ദിയയും വൈഷ്ണവും ചുവടുവെച്ചത്. എന്തൊക്കെയോ കാണിക്കുന്നു ഞങ്ങള്‍ എന്ന ക്യാപ്ഷനോടെയായാണ് ദിയ കൃഷ്ണ വീഡിയോ പോസ്റ്റ് ചെയ്തത്.
ബിഗ് സ്‌ക്രീനില്‍ മുഖം കാണിക്കാതെ തന്നെ താരമായ ദിയയോട് പ്രത്യേകമായൊരു സ്‌നേഹമുണ്ട് ആരാധകര്‍ക്ക്. താന്‍ പ്രണയത്തിലാണെന്നുള്ള വിവരവും മുന്‍പ് ദിയ പങ്കുവെച്ചിരുന്നു. സുഹൃത്തായ വൈഷ്ണവുമായി ഇഷ്ടത്തിലാണ് താനെന്നായിരുന്നു ദിയ പറഞ്ഞത്. കിച്ചു എന്ന് വിളിക്കുന്ന വൈഷ്ണവും ദിയയുടെ വീഡിയോകളിലൂടെയായി പ്രേക്ഷകര്‍ക്ക് സുപരിചിതരായി മാറിയതാണ്. പ്രിയസുഹൃത്ത് എന്‌റെ പ്രണയിനിയാണെന്ന് കിച്ചു പറഞ്ഞപ്പോള്‍ പ്രിയപ്പെട്ട കൂട്ടുകാരനുമായി പ്രണയത്തിലാണെന്നായിരുന്നു ദിയ പറഞ്ഞത്.
ആദ്യമായി സംസാരിച്ചതിനെക്കുറിച്ചും സുഹൃത്തുക്കളായി മാറിയതിനെക്കുറിച്ചുമെല്ലാം പറഞ്ഞ് ഇരുവരും എത്താറുണ്ട്. മാാര്‍ ഇവാനിയോസ് കോളേജില്‍ ചേര്‍ന്ന ദിവസം പകര്‍ത്തിയ ഫോട്ടോയെക്കുറിച്ചും ദിയ നേരത്തെ വാചാലയായിരുന്നു. ആ സമയത്ത് അവന്റെ പേരൊന്നും എനിക്കറിയില്ലായിരുന്നു. എങ്ങനെയോയാണ് അന്ന് അവനും സുഹൃത്തും പകര്‍ത്തിയ ചിത്രം കിട്ടിയത്. മാസ് കമ്യൂണിക്കേഷനില്‍ നിന്നും താന്‍ ഇംഗ്ലീഷിലേക്ക് മാറിയതിനെക്കുറിച്ചും ദിയ പറഞ്ഞിരുന്നു. തന്റെ ജീവിതത്തില്‍ ഏറ്റവും പ്രധാനപ്പെട്ട വ്യക്തികളിലൊരാളായാണ് ദിയ കിച്ചുവിനെ വിശേഷിപ്പിക്കാറുള്ളത്.