ചേട്ടന്മാര്‍ക്കൊപ്പം അച്ഛനോടൊപ്പം ചേർന്ന് പതുങ്ങിയിരുന്ന് ഇസ

താരങ്ങളുടെ ഓണാഘോഷ ചിത്രങ്ങളെല്ലാം ഈയടുത്ത് ഏറെ വൈറലായിരുന്നതാണ്. അതോടൊപ്പം കുഞ്ചാക്കോ ബോബനും ഭാര്യയും കുഞ്ഞും ചേര്‍ന്നുള്ള ഒരു ചിത്രവും ഏറെ വൈറലായിരുന്നു. ഓണപ്പൂക്കളമൊക്കെയുട്ട് ഓണപ്പുടവയുടുത്ത് മൂവരും ചേര്‍ന്നിരിക്കുന്ന ഒരു ചിത്രമായിരുന്നു ഏറെ വൈറലായിരുന്നത്. അതിനുശേഷം കുഞ്ചാക്കോ പങ്കുവെച്ചിട്ടുള്ള ഒരു വീഡിയോയും ഇപ്പോള്‍ സോഷ്യൽമീഡിയയിൽ വൈറലായിരിക്കുകയാണ്.

Also Read: ജോലിക്ക് പോവാൻ മടിയെന്ന് താരം; കുഞ്ചാക്കോ അഭിനയം നിര്‍ത്തുമോ ?



14 വര്‍ഷത്തെ കാത്തിരിപ്പിന് ശേഷമാണ് ചാക്കോച്ചനും ഭാര്യ പ്രിയയ്ക്കും ഒരു കുഞ്ഞ് ഈ വര്‍ഷം പിറന്നത്. ഇസഹാക്ക് ബോബൻ കുഞ്ചാക്കോ എന്നാണ് കുഞ്ഞിന് പേരിട്ടിരിക്കുന്നത്. ചുരുക്കത്തിൽ ഇസയെന്നാണ് കുടുംബത്തിലെല്ലാവരും ഇവനെ വിളിക്കുന്നതും.

Also Read: ഇവൻ ഇസഹാക്ക് കുഞ്ചാക്കോ; മാതൃദിനത്തിൽ മകന് പേരിട്ട് ചാക്കോച്ചൻ

ഇസയുടെ ആദ്യ ഓണമായിരുന്നു ഇക്കുറി. ചാക്കോച്ചന്‍റെ കുടുംബത്തിലെ എല്ലാ ആണുങ്ങളും ഒപ്പം ചേര്‍ന്ന് ഹാപ്പി ഓണം എന്ന് പറയുന്ന വീഡിയോയാണ് ചാക്കോച്ചൻ പങ്കുവെച്ചിരിക്കുന്നത്. ഇതെല്ലാം കണ്ട് അമ്പരന്നിരിക്കുന്ന കുഞ്ഞ് ഇസയേയും വീഡിയോയിൽ കാണാം.

Also Read: 'ഈ ഒരു ചിത്രമെടുക്കാന്‍ ഒരുപാട് നാള്‍ കാത്തിരുന്നു': ചാക്കോച്ചൻ

ഓണപ്പുടവയുടുത്ത ഇസയെ ചേര്‍ത്തുപിടിച്ചിരിക്കുകയാണ് വീഡിയോയിൽ ചാക്കോച്ചൻ. കുടുംബത്തിലെ ബോയ് ഗ്യാങ്ങിലെ പുതിയ അംഗത്തെ സ്വാഗതം ചെയ്യുന്നുവെന്ന് പറഞ്ഞുകൊണ്ടാണ് സോഷ്യൽമീഡിയയിൽ ചാക്കോച്ചൻ ഈ വീഡിയോ പങ്കുവെച്ചിരിക്കുന്നത്.