'താൻ റിമിയെ കെട്ടണമെന്ന് അപ്പച്ചൻ ആഗ്രഹിച്ചിരുന്നു, പക്ഷേ നടന്നില്ല; എന്‍റെ ഭാഗ്യം': ചാക്കോച്ചൻ

നിത്യഹരിത റൊമാന്‍റിക് ഹീറോയായ കുഞ്ചാക്കോ ബോബൻ ഗായിക റിമി ടോമിയെ കെട്ടണമെന്ന് അദ്ദേഹത്തിന്‍റെ അപ്പച്ചൻ ആഗ്രഹിച്ചതായി താരത്തിന്‍റെ വെളിപ്പെടുത്തൽ. ഏഷ്യാനെറ്റിന്‍റെ താരനിശ വേദിയിൽ വെച്ചായിരുന്നു താരത്തിന്‍റെ ഈ വെളിപ്പെടുത്തൽ. റിമി വേദിയിൽ നിൽക്കവേയായിരുന്നു ചാക്കോച്ചന്‍ ഇക്കാര്യം പറഞ്ഞത്.

എന്നാല്‍ ഇതിനോട് റിമി വളരെ സരസമായാണ് പ്രതികരിച്ചത്. 'താന്‍ കോളേജ് കാലഘട്ടം മുതല്‍ ചാക്കോച്ചന്‍റെ കടുത്ത ആരാധികയായിരുന്നുവെന്നും, അപ്പച്ചന് അങ്ങനെയൊരു ആഗ്രഹമുണ്ടായിരുന്നുവെങ്കില്‍ ഒന്നു പാലാ വരെ വന്നൂടായിരുന്നോ..?' എന്നുമാണ് റിമി ചോദിച്ചത്. തുടര്‍ന്ന് ചാക്കോച്ചൻ തന്നോടൊപ്പം ഒരു യുഗ്മഗാനത്തിന് ചുവടുവെയ്ക്കാനും താരത്തോട് ആവശ്യപ്പെട്ടു. തുടര്‍ന്ന് ഇരുവരും ചേര്‍ന്ന് ചെറു ചുവടുകളും കളിതമാശകളുമായി താരസമ്പന്നമായ വേദിയെ പൊട്ടിച്ചിരിപ്പിച്ചു. ഇതിനിടെ ചാക്കോച്ചന്‍റെ ഭാര്യയുടെ കോൾ വന്നപ്പോൾ വേദിയിൽ വെച്ച് തന്നെ ചാക്കോച്ചൻ ഫോണെടുത്തു. 'പരിപാടി കഴിഞ്ഞിട്ടില്ല, റിമി എന്നെ വധിച്ചോണ്ടിരിക്കുവാ' എന്നുമാണ് ചാക്കോച്ചൻ തമാശ രൂപേണ ഭാര്യയോട് മറുപടിയായി പറഞ്ഞത്.