ഇസഹാക്കിനൊപ്പം എല്ലാ ദിവസവും ഫാദേഴ്സ് ഡേയെന്ന് ചാക്കോച്ചൻ

എല്ലാ ദിവസവും തനിക്ക് ഫാദേഴ്സ് ഡേയാണെന്ന് നടൻ കുഞ്ചാക്കോ ബോബൻ. വിവാഹം കഴിഞ്ഞ് 14 വര്‍ഷത്തിനുശേഷം കുഞ്ചാക്കോ ബോബനും ഭാര്യ പ്രിയയ്ക്കും ഒരു കുഞ്ഞുണ്ടായ വാർത്ത സോഷ്യൽമീഡിയയിലുള്‍പ്പെടെ ഏറെ വൈറലായിരുന്നു. മകൻ ഇസഹാക്ക് ബോബൻ കുഞ്ചാക്ക തനിക്ക് സ്നേഹചുംബനം നൽകുന്ന ചിത്രമാണ് ചാക്കോച്ചൻ പങ്കുവെച്ചിരിക്കുന്നത്. ഫാദര്‍ ക്ലാസിലേക്ക് ഉയര്‍ന്നിരിക്കുന്നു, അങ്ങനെ എന്‍റെ ഫാദര്‍ ഹുഡിലേക്കുള്ള ടിക്കറ്റാണിവൻ. എന്‍റെ എല്ലാദിവസവും ഫാദേഴ്സ് ഡേ ആക്കുന്ന ജൂനിയറിന് നന്ദി. ദൈവത്തിന് നന്ദി. ഇത്രയും നാളത്തെ കാത്തിരിപ്പ് ഏറെ അമൂല്യമാണ്, ഏറെ അനുഗ്രഹവും. ചാക്കോച്ചൻ കുറിച്ചിരിക്കുകയാണ്.
ഈ വര്‍ഷം ഏപ്രിൽ 17നായിരുന്നു കുഞ്ചാക്കോ ബോബനും ഭാര്യ പ്രിയയ്ക്കും ഒരു ആൺകുഞ്ഞ് പിറന്നത്. 14 വര്‍ഷത്തിനുശേഷം കുഞ്ചാക്കോയുടെ കുടുംബത്തിൽ ഒരു കുഞ്ഞ് പിറന്നതോടെ സോഷ്യൽമീഡിയയിലുള്‍പ്പെടെ നിരവധി പേര്‍ ആശംസകള്‍ അര്‍പ്പിച്ചിരുന്നു.