'ഭൂമി തന്നെ സ്വര്‍ഗീയമാക്കാന്‍ വീട്ടില്‍ തന്നെ ഒരു കുഞ്ഞു സ്വര്‍ഗമുണ്ടാക്കൂ'; കൊറോണക്കാലത്തെ ചാക്കോച്ചൻ്റെ കുറിപ്പ്!

ലോകമെമ്പാടും കൊറോണ വൈറസ് പടർന്ന് പിടിക്കുന്ന സാഹചര്യത്തിൽ കർശനമായ നിർദ്ദേശങ്ങൾ പാലിച്ച് ജനങ്ങൾ സമ്പർക്കങ്ങൾ കുറച്ച് വൈറസിനെ പ്രതിരോധിക്കുകയാണ്. വൈറസ് ബാധയുടെ വ്യാപനം തടയുന്നതിൻ്റെ മുൻകരുതലായി സിനിമാ സീരിയൽ ഷൂട്ടുകളും നിർത്തിവെച്ചിരിക്കുകയാണ്. അതിനാൽ തന്നെ താരങ്ങളെല്ലാം വീടിനുള്ളിൽ ആവധിക്കാലം ആസ്വദിക്കുകയാണ്. അത്തരത്തിൽ തങ്ങളുടെ കൊറോണ അവധിക്കാല ആഘോഷ ചിത്രങ്ങളും വീഡിയോകളുമെല്ലാം താരങ്ങൾ ആരാധകരുമായി പങ്കുവെക്കാറുമുണ്ട്.

Also Read: ഹോളിവുഡ് നടി ഡെബി മസാറിന് കൊവിഡ് 19 സ്ഥിരീകരിച്ചു

ഈ വിശ്രമ വേളയില്‍ നടന്‍ കുഞ്ചാക്കോ ബോബന്‍ തൻ്റെ കുഞ്ഞു രാജകുമാരനുമായി സമയം ചെലവിടുകയാണ്. ഇതിൻ്റെ സന്തോഷം താരം ആരാധകരുമായി പങ്കുവെക്കുന്നുമുണ്ട്. ഇസയുടെ ക്യൂട്ട് ചിത്രം പങ്കുവെച്ചുകൊണ്ടാണ് താരം തൻ്റെ സന്തോഷ നിമിഷങ്ങൾ ആരാധകരുമായി പങ്കുവെച്ചിരിക്കുന്നത്. ഇതോടൊപ്പം താരം രസകരമായൊരു കുറിപ്പും ചേർത്തിട്ടുണ്ട്. ഇതാണ് ഇപ്പോൾ വൈറലാകുന്നത്.

Also Read: ബാൽക്കണിയിൽ നിന്ന് ഹർഷാരവം മുഴക്കി നയൻസും; ചിത്രം പങ്കുവെച്ച് താരം!

ഒറ്റയ്ക്കിരുന്നു കളിപ്പാട്ടങ്ങള്‍ വച്ചു കളിക്കുന്ന മകന്‍ ഇസഹാക്കിന്റെ ചിത്രമാണ് കുഞ്ചാക്കോ ബോബൻ ഇൻസ്റ്റാഗ്രാമിലൂടെ പോസ്റ്റ് ചെയ്തിരിക്കുന്നത്. 'ഭൂമി തന്നെ സ്വര്‍ഗീയമാക്കാന്‍ വീട്ടില്‍ തന്നെ ഒരു കുഞ്ഞു സ്വര്‍ഗമുണ്ടാക്കൂ. നിങ്ങളുടെയും ഏവരുടെയും സുരക്ഷയെക്കരുതി വീട്ടിലിരിക്കൂവെന്നും സര്‍ക്കാരും ആരോഗ്യവകുപ്പും പറയുന്ന നിര്‍ദേശങ്ങള്‍ പാലിക്കൂ'വെന്നുമാണ് ചിത്രത്തോടൊപ്പം കുഞ്ചാക്കോ ബോബൻ കുറിച്ചിരിക്കുന്നത്.