ലാലേട്ടനൊപ്പം താരമായി ലക്ഷങ്ങളുടെ ഹുബ്ലോട്ട് ക്ലാസിക് വാച്ച്

ഒടിയൻ ലുക്കിലെത്തിയ ലാലേട്ടനെ കണ്ട് ആരാധകർ ഒന്നടങ്കം അമ്പരന്നിരിക്കുകയാണ്. കൊച്ചിയിൽ ഷോറൂം ഉദ്ഘാടനത്തിന് എത്തിയ ലാലേട്ടന്‍റെ ഒടിയൻ ലുക്ക് കാണാൻ ആരാധകരുടെ വൻ തിരക്ക് തന്നെ അനുഭവപ്പെട്ടിരുന്നു. ഒടിയൻ മാണിക്യനാകാൻ കഠിന പരിശീലനത്തിലായിരുന്നു താരം. 51 ദിവസം കൊണ്ട് 18 കിലോ ശരീരഭാരമാണ് കുറച്ചത്. ആരാധകരുടെ മുന്നിലെത്തിയ ലാലേട്ടന്‍റെ ലുക്കിനൊപ്പം ഏറെ ശ്രദ്ധ നേടിയെടുത്തത് അദ്ദേഹം ധരിച്ച വാച്ച് ആയിരുന്നു.



ലോകോത്തര കമ്പനികളിലൊന്നായ ഹൂബ്ലോട്ട് ക്ലാസിക് വാച്ചുകളിലെ ഫ്യൂഷൻ ബ്ലൂ എന്ന മോഡലാണ് താരമണിഞ്ഞത്. ഏതാണ്ട് 7.61 ലക്ഷത്തോളം വിലവരും ഈ വാച്ചിന്. കേരളത്തിൽ തന്നെ ഈ വാച്ച് ഉപയോഗിക്കുന്നവർ വളരെ വിരളമാണെന്നാണ് പറയുന്നത്. ഇതിനുമുൻപും ലാലേട്ടൻ ധരിച്ചിരുന്ന വാച്ചുകൾ പ്രേക്ഷക ശ്രദ്ധ നേടിയിരുന്നു.