ആ പയ്യനിന്ന് വളർന്നിരിക്കുന്നു
അന്നത്തെ മാസ്റ്റര്‍ ധനഞ്ജയ് ഇന്ന് വളര്‍ന്നു വലുതായി ഒരു ചുള്ളന്‍ ചെക്കനായി മാറിയിരിക്കുകയാണ്. ഇതോടെയാണ് ചിത്രങ്ങള്‍ സോഷ്യല്‍ മീഡിയയില്‍ വെെറലായത്. താടിയൊക്കെ വളര്‍ന്ന് ആ പഴയ പയ്യനാണെന്ന് പറഞ്ഞാല്‍ വിശ്വസിക്കാന്‍ പാടാണെന്ന് സോഷ്യല്‍ മീഡിയ പറയുന്നു.
വ്യത്യസ്തമായൊരു പോലീസ് കഥ
ആഷിഖ് അബു ആദ്യമായി സംവിധാനം ചെയ്ത ചിത്രമായിരുന്നു ഡാഡി കൂള്‍. മമ്മൂട്ടിയുടെ വ്യത്യസ്തമായ പോലീസ് കഥാപാത്രം തന്നെയായിരുന്നു ചിത്രത്തിന്റെ ഹെെലെെറ്റ്. സെെമണ്‍ എന്നായിരുന്നു മമ്മൂട്ടി അവതരിപ്പിച്ച കഥാപാത്രത്തിന്റെ പേര്. റിച്ചയായിരുന്നു ചിത്രത്തിലെ നായിക.
അച്ഛനും മകനും തമ്മിലുള്ള ചങ്ങാത്തം
അച്ഛനും മകനും തമ്മിലുള്ള ചങ്ങാത്തം മനോഹരമായി അവതരിപ്പിക്കുകയായിരുന്നു ചിത്രത്തിലൂടെ ആഷിഖ് ചെയ്തത്. മകനെ ഗുണ്ടാ സംഘം തട്ടിക്കൊണ്ടു പോകുന്നതും പൊതുവെ മടിയനായ പോലീസ് ഓഫീസറായ സെെമണ്‍ മകനെ കണ്ടെത്താനായി ഇറങ്ങി തിരിക്കുന്നതുമായിരുന്നു ചിത്രത്തിന്റെ കഥ.
കെെയ്യടി നേടിയ ബാലതാരം
ഡാഡി കൂളിന് പുറമെ ട്രിവാന്‍ഡ്രം ലോഡ്ജ് എന്ന ചിത്രത്തിലും ധനഞ്ജയ് ശ്രദ്ധേയമായ വേഷത്തിലെത്തിയിട്ടുണ്ട്. കൂടാതെ ഓ‍ര്‍ക്കുക വല്ലപ്പോഴും, ബെെസിക്കിള്‍ തീവ്സ്, ലോ പോയിന്റ്, ഉറുമി തുടങ്ങി സിനിമകളിലും അഭിനയിച്ചിട്ടുണ്ട് താരം.