അതി സന്തോഷവതിയായി കാവ്യ വിവാഹത്തിന് എത്തിയപ്പോള്‍, പുതിയ ചിത്രം ഏറ്റെടുത്ത് ആരാധകര്‍

കാവ്യ മാധവന്‍ എന്നാല്‍ ഇപ്പോഴും മലയാളികള്‍ക്ക ഒരു വികാരം തന്നെയാണ്. 'നീ ആരാ കാവ്യ മാധവനോ' എന്ന ചോദ്യം പോലും കാവ്യയുടെ സൗന്ദര്യത്തെയും അഴികിനെയും മാറ്റു കൂട്ടി വിശേഷിപ്പിക്കുന്നത് തന്നെയായിരുന്നു. അഭിനയത്തില്‍ നിന്നും ലൈം ലൈറ്റില്‍ നിന്നും എല്ലാം മാറി നില്‍ക്കുകയാണെങ്കിലും കാവ്യയെ സംബന്ധിയ്ക്കുന്ന എന്ത് വിശേഷവും ആരാധകര്‍ക്ക് ആഘോഷം തന്നെയാണ്. അത്തരത്തില്‍ ഇപ്പോള്‍ വൈറലാവുന്നത് കാവ്യയുടെ ഒരു പുതിയ ചിത്രമാണ്.

കാവ്യ മാധവന്‍ ലേറ്റസ്റ്റ് എന്ന് പറഞ്ഞുകൊണ്ടാണ് ഫാന്‍സ് ഗ്രൂപ്പുകളില്‍ ചിത്രം വൈറലാവുന്നത്. ഒരു കല്യാണത്തിന് വധൂ - വരന്മാര്‍ക്കൊപ്പം നില്‍ക്കുന്ന കാവ്യയുടെ ചിത്രമാണ് വൈറലാവുന്നത്. കേരള സാരിയുടുത്ത്, നിറഞ്ഞ പുഞ്ചിരിയോടെ കാവ്യയെ ചിത്രത്തില്‍ കാണാം. വലിയ മാറ്റങ്ങളൊന്നും കാവ്യയ്ക്ക് വന്നിട്ടില്ല എന്നാണ് കമന്റുകള്‍ വരുന്നത്.

കാവ്യയുടെ സൗന്ദര്യത്തെയും അഴകിനെയും പ്രശംസിച്ചുകൊണ്ടുള്ള കമന്റുകള്‍ ചിത്രത്തിന് താഴെ കുമിയുകയാണ്. മലയാളത്തില്‍ ഇത്രയും സുന്ദരിയായ ഒരു നടി ഇതുവരെ ഉണ്ടായിട്ടില്ല എന്നാണ് ഒരാളുടെ കമന്റ്. ഈ മുഖശ്രീ വേറയാര്‍ക്കും ഇല്ല എന്ന് മറ്റൊരാള്‍ കുറിച്ചിരിയ്ക്കുന്നു. സ്‌നേഹം പ്രകടിപ്പിച്ചുകൊണ്ടുള്ള ഇമോജികളാണ് മറ്റ് കമന്റുകള്‍.

ബാലതാരമായി സിനിമാ ലോകത്ത് എത്തിയതാണ് കാവ്യ മാധവന്‍. പിന്നീട് ഒന്നര പതിറ്റാണ്ടോളം കാവ്യ മലയാളികള്‍ക്ക് മുന്നില്‍ വളര്‍ന്നു. പൂക്കാലം വരവായി എന്ന ചിത്രത്തില്‍ തുടങ്ങി പിന്നെയും വരെ കാവ്യ അനശ്വരമാക്കിയ കഥാപാത്രങ്ങള്‍ പലതും ഇപ്പോഴും ആരാധകര്‍ക്ക് പ്രിയപ്പെട്ടതാണ്. അതിനിടയില്‍ കരിയറില്‍ നിന്ന് ഒരു ബ്രേക്ക് എടുത്തുവെങ്കിലും ഗദ്ദാമ എന്ന ചിത്രത്തിലൂടെ ശക്തമായ തിരിച്ചുവരവ് നടത്തി. ദിലീപുമായുള്ള വിവാഹത്തിന് ശേഷം പൂര്‍ണണായും ഇന്റസ്ട്രിയില്‍ നിന്ന് വിട്ടു നില്‍ക്കുകയാണ് കാവ്യ. മഹാലക്ഷ്മിയുടെയും മീനാക്ഷിയുടെയും അമ്മ റോളില്‍ ജീവിക്കുന്നു!