അലംകൃത ഏറ്റവും കൂടുതല്‍ കാണുന്ന മുഖം! പൃഥ്വിക്കും സുപ്രിയയ്ക്കും ആശംസ നേര്‍ന്ന് ലിസ്റ്റിന്‍ കുറിച്ചത്‌

പൃഥ്വിരാജിന്റെ അടുത്ത സുഹൃത്തുക്കളിലൊരാളാണ് ലിസ്റ്റിന്‍ സ്റ്റീഫന്‍. ലിസ്റ്റിനുമായി ഒരു പ്രത്യേക കെമിസ്ട്രി അനുഭവപ്പെടാറുണ്ടെന്ന് പൃഥ്വി പറഞ്ഞിരുന്നു. ഇവരുടെ കുടുംബാംഗങ്ങളും ആ സൗഹൃദം നിലനിര്‍ത്തുന്നുണ്ട്. ലിസ്റ്റിന് സുപ്രിയയെ പേടിയാണെന്ന് ഇടയ്ക്ക് പൃഥ്വി പറഞ്ഞിരുന്നു. പൃഥ്വിരാജ് പ്രൊഡക്ഷന്‍സും ലിസ്റ്റിനും ചേര്‍ന്ന് സിനിമകള്‍ ചെയ്യുന്ന സമയത്ത് സുപ്രിയയുടെ നിര്‍ദേശങ്ങള്‍ കൃത്യമായി ശ്രദ്ധിച്ചിരുന്നു. പൃഥ്വി അഭിനേതാവായോ സംവിധായകനായോ ചിന്തിക്കുമ്പോള്‍ നിര്‍മ്മാതാവിന്റെ ആംഗിളിലായിരുന്നു സുപ്രിയ ചിന്തിച്ചതെന്ന് ലിസ്റ്റിന്‍ പറഞ്ഞിരുന്നു. 12ാം വിവാഹ വാര്‍ഷികം ആഘോഷിക്കുന്ന പൃഥ്വിക്കും സുപ്രിയയ്ക്കും ആശംസ നേര്‍ന്ന് ലിസ്റ്റിന്‍ എത്തിയിരുന്നു. ഒന്നിച്ചുള്ള ഫോട്ടോയും അദ്ദേഹം പങ്കുവെച്ചിരുന്നു.
സുഖത്തിലും ദുഃഖത്തിലും വിജയത്തിലും പരാജയത്തിലും ഇണക്കത്തിലും പിണക്കത്തിലും പരാതികൾ ഇല്ലാതെ മലയാളവും ഇംഗ്ലീഷും ഹിന്ദിയും പറഞ്ഞു വിദേശരാജ്യങ്ങളിലൂടെ കറങ്ങിനടന്ന് വെഡിങ്ങ് ആനിവേഴ്സറി ആഘോഷിക്കുന്ന പൃഥ്വിരാജിനും സുപ്രിയയ്ക്കും വെഡ്ഡിംഗ് ആനിവേഴ്സറി ദിനാശംസകൾ സന്തോഷത്തോടെ നേരുന്നു എന്നായിരുന്നു ലിസ്റ്റിൻ കുറിച്ചത്.
നിങ്ങളും ക്യാപ്ഷന്‍ കിംഗായോ, ഇതുപോലെ വിശേഷ ദിവസങ്ങളില്‍ അണ്ണനിട്ടൊരു താങ്ങ് നല്ലതാണ്. ഇംഗ്ലീഷിനെക്കുറിച്ച് പറഞ്ഞ് പുള്ളിയെ നൈസായി ട്രോളിയതാണല്ലേ, ഇവിടെ വന്ന് സിനിമ ചെയ്യണ്ടേ എന്ന് കൂടി ചോദിക്കാമായിരുന്നു. ഇതൊരുമാതിരി വിഷസായിപ്പോയല്ലോ എന്നായിരുന്നു ആരാധകര്‍ പറഞ്ഞത്.
ഞാനും സുപ്രിയയും കഴിഞ്ഞാല്‍ അലംകൃത ഏറ്റവും കൂടുതല്‍ കാണുന്ന മുഖം ലിസ്റ്റിന്റേതാണെന്നായിരുന്നു മുന്‍പ് പൃഥ്വിരാജ് പറഞ്ഞത്. സുപ്രിയയാണ് എന്റെ മോള്‍ക്ക് പേരിട്ടത്. പേരും സ്‌പെല്ലിംഗും പഠിക്കാനായി ഒരുവര്‍ഷമെടുത്തുവെന്നായിരുന്നു ലിസ്റ്റിന്‍ പറഞ്ഞത്. ലിസ്റ്റിന്റെ മകളായ ഇസബെല്ലയുടെ മാമോദീസ ചടങ്ങില്‍ പൃഥ്വിയയും സുപ്രിയയും പങ്കെടുത്തിരുന്നു. പരിപാടിയുടെ വീഡിയോ സോഷ്യല്‍മീഡിയയിലൂടെ വൈറലായിരുന്നു.