അടുത്ത ജന്മത്തിൽ ബ്രാഹ്മണനായി ജനിക്കണം: സുരേഷ് ഗോപി

തിരുവനന്തപുരം: അടുത്ത ജന്മത്തിൽ ബ്രാഹ്മണനായി ജനിക്കണമെന്നാണ് ആഗ്രഹമെന്ന് വെളിപ്പെടുത്തി സുരേഷ് ഗോപി എംപി. മാംസവും ചോരയുമുള്ള ഈശ്വരന്മാരാണ് പൂണൂൽ സമൂഹം. ഈശ്വരനെ പ്രാർഥിക്കാൻ പിന്തുണ നൽകുന്ന അവർ തനിക്ക് കൺകണ്ട ദൈവമാണെന്നും സുരേഷ് ഗോപി എംപി പറഞ്ഞു.

അടുത്ത ജന്മത്തിൽ ശബരിമല ഭഗവാൻ അഭിഷേകവും നിവേദ്യവും സമർപ്പിക്കാൻ കഴിയണമെന്നാണ് തന്‍റെ പ്രാർത്ഥനയെന്നും യോഗക്ഷേമ സഭയുടെ സംസ്ഥാന സമ്മേളനം ഉദ്ഘാടനം ചെയ്തു കൊണ്ട് എംപി പറഞ്ഞു.
ബ്രാഹ്മണ സമൂഹത്തെ അടിച്ചമർത്താൻ ആരെയും അനുവദിക്കില്ല. അവർക്ക് അർഹമായത് ലഭിക്കാൻ രാഷ്ട്രീയ ദുഷ്ടലാക്കുകൾക്ക് അപ്പുറമായി നന്മ പകരുന്ന രാഷ്ട്രീയത്തിന് പിന്തുണ നൽകണമെന്ന് അദ്ദേഹം ആഹ്വാനം ചെയ്തു.

Longs to born as a Brahmin in the next birth, says Suresh Gopi MP

Suresh Gopi while inaugurating Yogakshema Sabha State meeting, said he believes in rebirth