Gopi Sundar Family:അമ്മയ്ക്ക് ഇരുവശവുമായി ചേര്‍ന്നുനിന്ന് മക്കള്‍! ഗോപി സുന്ദറിന്റെ മകന്‍ ഇന്‍സ്റ്റഗ്രാമില്‍ പങ്കിട്ട ചിത്രം

ഗോപി സുന്ദറിന്റെ മകനായ മാധവ് ഗോപി സുന്ദര്‍ സോഷ്യല്‍മീഡിയയില്‍ സജീവമാണ്. അച്ഛനെപ്പോലെ തന്നെ സംഗീതത്തില്‍ താല്‍പര്യം പ്രകടിപ്പിച്ചിരുന്നു മാധവ്. സ്റ്റേജ് ഷോകളുമായി സജീവമാണ് മകന്‍. ഇന്‍സ്റ്റഗ്രാമിലൂടെയായി തന്റെ വിശേഷങ്ങളെല്ലാം മാധവ് പങ്കിടാറുണ്ട്. അമ്മയ്ക്കും അനിയനുമൊപ്പമുള്ള ചിത്രങ്ങളും മാധവ് പങ്കിടാറുണ്ട്. അമ്മയ്‌ക്കൊപ്പമുള്ള പഴയതും പുതിയതുമായ ചിത്രം പങ്കുവെച്ചെത്തിയിരിക്കുകയാണ് മാധവ്. ഇന്‍സ്റ്റഗ്രാം സ്റ്റോറിയിലൂടെയായാണ് മാധവ് ചിത്രം പങ്കിട്ടത്.
ഗോപി സുന്ദറിനെപ്പോലെ തന്നെ പ്രേക്ഷകര്‍ക്ക് പരിചിതനാണ് മാധവും. മൂത്തമകനായ മാധവിന് ആശംസ അറിയിച്ചുള്ള ഗോപി സുന്ദറിന്റെ കുറിപ്പ് അടുത്തിടെയും ചര്‍ച്ചയായിരുന്നു. അച്ഛനെന്ന നിലയില്‍ എനിക്ക് അഭിമാനം തോന്നിയ നിമിഷമാണ്, പ്രിയപ്പെട്ട മകനേ ഒരുപാട് ദൂരം പോവാനുണ്ട്. ആത്മസമര്‍പ്പണത്തോടെ മുന്നേറുക, സംഗീതം നിന്റെ രക്തത്തിലുണ്ടെന്നുമായിരുന്നു ഗോപി സുന്ദര്‍ പറഞ്ഞത്. മക്കളെക്കുറിച്ച് ചോദിച്ച് വിമര്‍ശിച്ചയാള്‍ക്ക് ഗോപി സുന്ദര്‍ നല്‍കിയ മറുപടിയും ചര്‍ച്ചയായിരുന്നു.
പ്രിയയുമായി വിവാഹമോചനം നേടാതെയാണ് ഗോപി സുന്ദര്‍ അഭയ ഹിരണ്‍മയിയുമായി ലിവിങ് റ്റുഗദര്‍ ബന്ധം തുടങ്ങിയതെന്ന റിപ്പോര്‍ട്ടുകളും പ്രചരിച്ചിരുന്നു. അടുത്തിടെയായിരുന്നു ഗോപി സുന്ദറും അമൃത സുരേഷും ഒന്നിച്ചത്. ഇപ്പോഴത്തെ ജീവിതത്തില്‍ സന്തോഷവും സമാധാനവുമുണ്ടെന്നായിരുന്നു ഇരുവരും പറഞ്ഞത്.
പ്രിയയുമായി വിവാഹമോചനം നേടാതെയാണ് ഗോപി സുന്ദര്‍ അഭയ ഹിരണ്‍മയിയുമായി ലിവിങ് റ്റുഗദര്‍ ബന്ധം തുടങ്ങിയതെന്ന റിപ്പോര്‍ട്ടുകളും പ്രചരിച്ചിരുന്നു. അടുത്തിടെയായിരുന്നു ഗോപി സുന്ദറും അമൃത സുരേഷും ഒന്നിച്ചത്. ഇപ്പോഴത്തെ ജീവിതത്തില്‍ സന്തോഷവും സമാധാനവുമുണ്ടെന്നായിരുന്നു ഇരുവരും പറഞ്ഞത്.
അമ്മയാണ് ഞങ്ങളുടെ എല്ലാം എന്നുള്ള മാധവിന്റെ പ്രതികരണവും വൈറലായിരുന്നു. ഇന്‍സ്റ്റഗ്രാം ലൈവിലൂടെയായിരുന്നു മാധവ് പ്രതികരിച്ചത്. അച്ഛന്റെ മോശം സ്വഭാവങ്ങളൊന്നും ഞങ്ങളെ ബാധിക്കില്ല. അച്ഛനെപ്പോലെയാവാന്‍ ഞാനൊരിക്കലും ആഗ്രഹിക്കുന്നില്ല, അമ്മയാണ് ഞങ്ങള്‍ക്കെല്ലാം. അച്ഛന്‍ തിരിച്ചുവരുമെന്ന് പ്രതീക്ഷിക്കുന്നില്ല. ആ തിരിച്ചുവരവ് ഞങ്ങളാഗ്രഹിക്കുന്നില്ലെന്നും മാധവ് പറഞ്ഞിരുന്നു. ഒരുകുറവും വരുത്താതെയാണ് അമ്മ ഞങ്ങളെ നോക്കുന്നതെന്നും മാധവ് പറഞ്ഞിരുന്നു.