'രാജുച്ചേട്ടൻ്റെ കല്യാണ വാർത്ത കേട്ടപ്പോൾ സത്യത്തില്‍ സങ്കടമായി, കൂട്ടുകാരൊക്കെ കളിയാക്കി'; തുറന്ന് പറഞ്ഞ് യുവനടി മാളവിക!

പൃഥ്വിയുടെ വിവാഹ വാര്‍ത്ത വന്ന സമയത്തെ അവസ്ഥയെ കുറിച്ച് നടി പറയുന്ന കാര്യങ്ങൾ ആരാധകർ വലിയ ആവേശത്തോടെയാണ് ഏറ്റെടുത്തിരിക്കുന്നത്. ഞാന്‍ പൃഥ്വിരാജിന്റെ കട്ട ആരാധികയാണ്. സരയു ചേച്ചിയാണ് ഹീറോയിലേക്ക് തന്നെ സജസ്റ്റ് ചെയ്തത്. നായകൻ പൃഥ്വി ആയതു കൊണ്ടു കൂടിയാണ് ഈ ചിത്രം തന്നെ ആകർഷിച്ചത്.

ആ സൈറ്റിലേക്ക് പോകുമ്പോൾ രാജുച്ചേട്ടനെ നേരില്‍ കാണാമല്ലോ എന്നുള്ളതായിരുന്നു എന്റെ സന്തോഷം. കോളനിയുടെ സെറ്റില്‍ ഡള്‍ മേക്കപ്പിട്ട് നില്‍ക്കുമ്പോള്‍ പക്ഷേ സങ്കടമായെന്നും രാജുച്ചേട്ടന്‍ ഈ കോലത്തിലാണല്ലോ എന്നെ ആദ്യമായി കാണുന്നത് എന്നതായിരുന്നു ഈ സങ്കടത്തിൻ്റെ കാരണം.

ഷൂട്ട് കഴിഞ്ഞ് പോകും മുമ്പേ കറുപ്പിച്ച രൂപമൊക്കെ മാറ്റി രാജുച്ചേട്ടന്റെ മുന്നില്‍ ചെന്ന് നില്‍ക്കാന്‍ പറ്റണേയെന്നായിരുന്നു അപ്പോഴത്തെ പ്രാർത്ഥന, ആ പ്രാര്‍ത്ഥന ഈശ്വരന്‍ കേട്ടു. സ്‌കൂളില്‍ എന്റെ കൂടെ പഠിച്ച കുട്ടികള്‍ക്കെല്ലാം തൻ്റെ പൃഥ്വിരാജ് ആരാധനയെ പറ്റി അറിയാം. ആ സമയത്തായിരുന്നു രാജുച്ചേട്ടന്റെ കല്യാണം കഴിഞ്ഞത്.

അപ്രതീക്ഷിതമായ ആ വാര്‍ത്ത കേട്ടതോടെ സത്യത്തില്‍ തനിക്ക് സങ്കടം വന്നു. കൂട്ടുകാരൊക്കെ അതും പറഞ്ഞ് തന്നെ കളിയാക്കുമായിരുന്നുവെന്നും ഫ്‌ളാഷ് മൂവീസിന് നല്‍കിയ അഭിമുഖത്തില്‍ മാളവിക മേനോൻ പറയുന്നു. രാജു ചേട്ടന്റെയൊപ്പം ഇനിയും അഭിനയിക്കണമെന്നും നടി പറയുന്നു.