സ്നേഹം കൈയ്യയച്ച് നൽകുന്ന ആരാധകര് 'മലയാളികളുടെ മക്കൾ സെൽവൻ' എന്ന് സ്നേഹത്തോടെ വിശേഷിപ്പിക്കുന്ന ജോജു ജോര്ജ്ജിന് ഇന്ന് നാൽപ്പത്തി രണ്ടാം പിറന്നാൾ. താരവും താരത്തിൻ്റെ ആരാധകരും പിറന്നാൾ ദിനത്തിൽ പുലര്ച്ചെ തന്നെ ആഘോഷം ആരഭിച്ചുകഴിഞ്ഞു. ജോജു ജോര്ജ്ജ് പിറന്നാൾ കേക്ക് മുറിക്കുന്നതിൻ്റെ ചിത്രങ്ങൾ സോഷ്യൽ മീഡിയയിൽ വൈറലാണിപ്പോൾ. നിരവധി ആരാധകരും സഹപ്രവർത്തകരുമാണ് ജോജുവിന് ആശംസകളുമായി സോഷ്യൽ മീഡിയയിലൂടെ രംഗത്തെത്തിയിട്ടുള്ളത്.
ഇരുപത് വര്ഷത്തോളമായി മലയാള സിനിമയിൽ ഒളിഞ്ഞും തെളിഞ്ഞുമുള്ള സാന്നിധ്യമായി മാറിയിട്ടുണ്ട് ജോജു ജോര്ജ്ജ് എന്ന നടൻ. ചുരുങ്ങിയ കാലം കൊണ്ടുതന്നെ വേറിട്ട വേഷങ്ങള് അവതരിപ്പിച്ച് പ്രേക്ഷകരുടെ മനസ്സിലും മലയാള സിനിമയുടെ മടിത്തട്ടിലും ഇരിപ്പിടം ഉറപ്പിച്ച നടനാണ് ജോജു. ജോജുവിലെ അഭിനയ പ്രതിഭയെ കൂടുതൽ പ്രേക്ഷകര് അംഗീകരിച്ചത് ജോസഫ് എന്ന ചെറിയ വലിയ ചിത്രത്തിലൂടെയാണ്. ജോസഫിലെ മികവുറ്റ അഭിനയ പ്രകടനത്തിന് ശേഷം താരത്തിന് കൈ നിറയെ അവസരങ്ങളാണ്. ലോക നെറുകയിലെത്തി നിൽക്കുന്ന ചലച്ചിത്രമേളയിൽ വരെ താരത്തിൻ്റെ അഭിനയ പ്രകടനം കൈയ്യടികൾ ഏറ്റുവാങ്ങി.
ചോല, ജോസഫ് എന്നീ രണ്ടു ചിത്രങ്ങളിലെ പ്രകടനങ്ങൾ കൊണ്ട് മാത്രമാണ് ജോജു ചലച്ചിത്ര മേളയിലെ പ്രേക്ഷകരുടെ കൈയ്യടികൾ ഏറ്റുവാങ്ങിയത് എന്നതാണ് ശ്രദ്ധേയം. 1995ൽ പുറത്തിറങ്ങിയ മഴവിൽ കൂടാരം എന്ന ചിത്രത്തിലൂടെ ജൂനിയർ ആർട്ടിസ്റ്റായാണ് ജോജു തൻ്റെ അഭിനയ ജീവിതം ആരംഭിച്ചത്. പിന്നീട് നിരവധി ചിത്രങ്ങളിൽ സഹനടനായും തിളങ്ങി താരം. സഹനടനായി തിളങ്ങി നിന്ന നേരത്താണ് താരം ദുൽഖര് സൽമാൻ നായകനായ ചാര്ലി എന്ന സിനിമ നിര്മ്മിച്ചുകൊണ്ട് നിര്മ്മാണ രംഗത്തേക്കും രംഗപ്രവേശനം ചെയ്തത്.
ജോസഫിലെ പ്രകടനത്തിന് നിരവധി പുരസ്കാരങ്ങൾ താരത്തെ തേടിയെത്തി. ഇതിനു പിന്നാലെ തമിഴ് സിനിമയിൽ അഭിനയിച്ചു വരികയാണ് ജോജു ഇപ്പോൾ. കാര്ത്തിക്ക് സുബ്ബരാജ് സംവിധാനം ചെയ്യുന്ന ധനുഷ് ചിത്രത്തിലാണ് ജോജു ഒരു മുഖ്യ കഥാപാത്രത്തെ അവതരിപ്പിക്കുന്നത്. ഐശ്വര്യ ലക്ഷ്മിയാണ് ചിത്രത്തിലെ നായിക. ചിത്രത്തിൻ്റെ ഷൂട്ടിങ് ലണ്ടനിൽ പുരോഗമിക്കുകയാണ്.
ഇരുപത് വര്ഷത്തോളമായി മലയാള സിനിമയിൽ ഒളിഞ്ഞും തെളിഞ്ഞുമുള്ള സാന്നിധ്യമായി മാറിയിട്ടുണ്ട് ജോജു ജോര്ജ്ജ് എന്ന നടൻ. ചുരുങ്ങിയ കാലം കൊണ്ടുതന്നെ വേറിട്ട വേഷങ്ങള് അവതരിപ്പിച്ച് പ്രേക്ഷകരുടെ മനസ്സിലും മലയാള സിനിമയുടെ മടിത്തട്ടിലും ഇരിപ്പിടം ഉറപ്പിച്ച നടനാണ് ജോജു. ജോജുവിലെ അഭിനയ പ്രതിഭയെ കൂടുതൽ പ്രേക്ഷകര് അംഗീകരിച്ചത് ജോസഫ് എന്ന ചെറിയ വലിയ ചിത്രത്തിലൂടെയാണ്. ജോസഫിലെ മികവുറ്റ അഭിനയ പ്രകടനത്തിന് ശേഷം താരത്തിന് കൈ നിറയെ അവസരങ്ങളാണ്. ലോക നെറുകയിലെത്തി നിൽക്കുന്ന ചലച്ചിത്രമേളയിൽ വരെ താരത്തിൻ്റെ അഭിനയ പ്രകടനം കൈയ്യടികൾ ഏറ്റുവാങ്ങി.
ചോല, ജോസഫ് എന്നീ രണ്ടു ചിത്രങ്ങളിലെ പ്രകടനങ്ങൾ കൊണ്ട് മാത്രമാണ് ജോജു ചലച്ചിത്ര മേളയിലെ പ്രേക്ഷകരുടെ കൈയ്യടികൾ ഏറ്റുവാങ്ങിയത് എന്നതാണ് ശ്രദ്ധേയം. 1995ൽ പുറത്തിറങ്ങിയ മഴവിൽ കൂടാരം എന്ന ചിത്രത്തിലൂടെ ജൂനിയർ ആർട്ടിസ്റ്റായാണ് ജോജു തൻ്റെ അഭിനയ ജീവിതം ആരംഭിച്ചത്. പിന്നീട് നിരവധി ചിത്രങ്ങളിൽ സഹനടനായും തിളങ്ങി താരം. സഹനടനായി തിളങ്ങി നിന്ന നേരത്താണ് താരം ദുൽഖര് സൽമാൻ നായകനായ ചാര്ലി എന്ന സിനിമ നിര്മ്മിച്ചുകൊണ്ട് നിര്മ്മാണ രംഗത്തേക്കും രംഗപ്രവേശനം ചെയ്തത്.
ജോസഫിലെ പ്രകടനത്തിന് നിരവധി പുരസ്കാരങ്ങൾ താരത്തെ തേടിയെത്തി. ഇതിനു പിന്നാലെ തമിഴ് സിനിമയിൽ അഭിനയിച്ചു വരികയാണ് ജോജു ഇപ്പോൾ. കാര്ത്തിക്ക് സുബ്ബരാജ് സംവിധാനം ചെയ്യുന്ന ധനുഷ് ചിത്രത്തിലാണ് ജോജു ഒരു മുഖ്യ കഥാപാത്രത്തെ അവതരിപ്പിക്കുന്നത്. ഐശ്വര്യ ലക്ഷ്മിയാണ് ചിത്രത്തിലെ നായിക. ചിത്രത്തിൻ്റെ ഷൂട്ടിങ് ലണ്ടനിൽ പുരോഗമിക്കുകയാണ്.