Google Year in Search 2018: പ്രിയങ്കയേയും സൽമാനേയും കണ്ണുചിമ്മി തോൽപ്പിച്ച് പ്രിയ

കണ്ണിറുക്കൽ കൊണ്ട് സോഷ്യൽ മീഡിയയിൽ തരംഗമായ പ്രിയ വാര്യർ വീണ്ടും ഒരു റെക്കോർഡ് സ്വന്തമാക്കിയിരിക്കുന്നു. ഈ വര്‍ഷം ഗൂഗിളില്‍ ഇന്ത്യ ഏറ്റവും കൂടുതല്‍ തിരഞ്ഞ വ്യക്തി എന്ന നേട്ടമാണ് പ്രിയയെ തേടിയെത്തിയത്. ബോളിവുഡ് താരങ്ങളെ വരെ പിന്തള്ളിയാണ് പ്രിയയുടെ നേട്ടം. ഈ വർഷം വിവാഹിതരായ പ്രിയങ്ക - നിക് ജോനാസ് ജോഡികളെയും, സൽമാൻ ഖാനേയും പ്രിയ പിന്നിലാക്കി. ഗൂഗിൾ സെർച്ചിൽ രണ്ടാം സ്ഥാനത്ത് നിക് ജോനാസാണ്.

പ്രിയങ്ക ചോപ്ര നാലാം സ്ഥാനത്തും, സൽമാൻ ഖാൻ ഏഴാം സ്ഥാനത്താണ്. സോനം കപൂറിൻ്റെ ഭർത്താവ് ആനന്ദ് അഹൂജ, സാറ അലി ഖാന്‍, സല്‍മാന്‍ ഖാന്‍, മേഘന്‍ മെര്‍ക്കല്‍, ഗായകന്‍ അനൂപ് ജലോട്ട, ബോണി കപൂര്‍ എന്നിവരാണ് അഞ്ച് മുതല്‍ പത്ത് വരെയുള്ള സ്ഥാനങ്ങളിലുള്ളത്

ചിത്രത്തിലെ മാണിക്യ മലരായ പൂവി എന്ന ഗാനരംഗമാണ് ലോകമെങ്കും പ്രിയങ്കയ്ക്ക് ആരാധകരെ സൃഷ്ടിച്ചത്. പ്രിയയുടെ കണ്ണിറുക്കൽ ചിത്രം ഇറങ്ങുമുമ്പേ താരത്തെ വമ്പൻ താരമാക്കി. നിരവധി പരസ്യ ചിത്രങ്ങളാണ് പ്രിയയെ തേടിയെത്തിയത്. എന്തായാലും കാത്തിരിപ്പുകൾ അവസാനിപ്പിച്ച് അഡാര്‍ ലൗവിൻ്റെ റിലീസ് അണിയറ പ്രവർത്തകർ പ്രഖ്യാപിച്ചിരിക്കുകയാണ്. ഫെബ്രുവരി 14ന് ചിത്രം റിലീസ് ചെയ്യുമെന്നാണ് ഫേസ്ബുക്കിലൂടെ അറിയിച്ചിരിക്കുന്നത്