നടൻ മമ്മൂട്ടിയുടെ പുതിയ ചിത്രമായ മാമാങ്കത്തിലെ പെൺവേഷം വൈറലായിരിക്കുകയാണ്. ഈയവസരത്തിൽ പെൺവേഷത്തിലെത്തി വിസ്മയിപ്പിച്ച മലയാള സിനിമയിലെ ചില നടന്മാരെ പരിചയപ്പെടുത്തുകയാണ്. ജഗതി, സലിംകുമാര്, ദിലീപ്, ഉണ്ണി മുകുന്ദൻ, പൃഥ്വിരാജ്, ബാബുരാജ്, കൃഷ്ണ, ജയസൂര്യ തുടങ്ങി നിരവധി നടന്മാര് പെൺവേഷത്തിലെത്തി ഞെട്ടിച്ചിട്ടുള്ളവരാണ്.
ഹിറ്റ്ലർ ബ്രദേഴ്സ്, കിലുകിലുക്കം തുടങ്ങിയ സിനിമകളിൽ പെൺവേഷത്തിലെത്തിയിട്ടുണ്ട് നടൻ ജഗതി ശ്രീകുമാര്. കൂടാതെ സലീംകുമാര് സൂത്രധാരനുള്പ്പെടെയുള്ള ചില ചിത്രങ്ങളിൽ പെൺവേഷം കെട്ടിയെത്തിയിട്ടുണ്ട്.
ദിലീപ്, മായാമോഹിനിയിൽ അവതരിപ്പിച്ച പെൺവേഷം ഏറെ ശ്രദ്ധയാകര്ഷിച്ചിരുന്നു. ചാണക്യതന്ത്രം എന്ന സിനിമയിൽ ഉണ്ണി മുകുന്ദൻ പെൺവേഷത്തിലെത്തിയിരുന്നു. നടൻ കൃഷ്ണ, തില്ലാന തില്ലാന എന്ന സിനിമയിലായിരുന്നു പെൺവേഷത്തിലെത്തിയത്.
നടൻ ജയസൂര്യ ഞാൻ മേരിക്കുട്ടി എന്ന സിനിമയിൽ ട്രാൻസ് വുമണായെത്തി സംസ്ഥാന ചലച്ചിത്രപുരസ്കാരം വരെ നേടി. ടമാര് പടാറിലാണ് നടൻ ബാബുരാജ് പെൺവേഷത്തിലെത്തിയത്.
പൃഥ്വിരാജ് തമിഴിൽ കാവ്യ തലൈവൻ എന്ന സിനിമയിലാണ് പെൺവേഷത്തിലെത്തിയത്.
ഒന്നു ചിരിക്കൂ എന്ന സിനിമയിൽ മമ്മൂട്ടി പെൺവേഷമണിഞ്ഞിട്ടുണ്ട്. ശേഷം ഇപ്പോൾ മാമാങ്കത്തിലും അദ്ദേഹം പെൺവേഷത്തിലെത്താൻ ഒരുങ്ങുകയാണ്.
പൃഥ്വിരാജ് തമിഴിൽ കാവ്യ തലൈവൻ എന്ന സിനിമയിലാണ് പെൺവേഷത്തിലെത്തിയത്.