ഐശ്വര്യ മാറ്റുരച്ച റെഡ് കാർപ്പെറ്റിൽ ബന്ധനസ്ഥയായി മല്ലിക; അമ്പരന്ന് ആരാധകർ

ഐശ്വര്യ റായിയും ദീപിക പദുകോണും പോലുള്ള താര സുന്ദരിമാർ കാനിൽ മാറ്റുരച്ചപ്പോൾ ഇരുമ്പു കൂട്ടിൽ ബന്ധനസ്ഥയായി മല്ലിക ഷെരാവത്ത്. നൂറു കണക്കിന് ക്യാമറകൾ മിന്നിത്തിളങ്ങുന്ന ചുവപ്പ് പരവതാനി വിരച്ച കാൻ വേദിയിലേക്ക് ചങ്ങലയിൽ ബന്ധിക്കപ്പെട്ട ഇരുമ്പുകൂട്ടിൽ മല്ലിക എത്തിയപ്പോൾ അക്ഷരാർത്ഥത്തിൽ ഞെട്ടിയത് കാണികളായിരുന്നു. ബോളിവുഡിന്‍റെ ഗ്ലാമർ റാണിയെ കൂട്ടിലടക്കപ്പെട്ട നിലയിൽ കണ്ടപ്പോൾ ഒരുനിമിഷം അമ്പരന്നുപോകാത്തവരായി ആരുമുണ്ടായില്ല.

“Every minute we don’t do something there is a woman suffering abuse “ @freeagirlindia #freeagirl #schoolforjustice #womensrights #supportgirls #stoprape #cannes2018 #cannesfilmfestival #cannes #lockmeup A post shared by Mallika Sherawat (@mallikasherawat) on May 14, 2018 at 10:31pm PDT
ലോകത്തിന് മുന്നിൽ സമർപ്പിക്കാൻ വലിയൊരു സന്ദേശവുമായിട്ടായിരുന്നു മല്ലികയുടെ വരവ്. കുട്ടികൾക്കെതിരെ നടക്കുന്ന ലൈംഗിക അതിക്രമത്തിന് ഒരു ബോധവത്ക്കരണം നടത്തുക എന്നതായിരുന്നു മല്ലികയുടെ ഉദ്ദേശം. 'ഫ്രീ എ ഗേൾ' എന്ന എൻജിഒയുടെ പ്രതിനിധിയായിട്ടായിരുന്നു മല്ലിക എത്തിയത്. 12 മണിക്കൂറാണ് മല്ലിക ഇരുമ്പുകൂട്ടിൽ കഴിച്ചുകൂട്ടിയത്. മല്ലിക കാണികളുടെ കൈയടി നേടുക മാത്രമല്ല മല്ലികയുടെ സന്ദേശം കാണികൾ ഒന്നടങ്കം ഏറ്റെടുക്കുകയും ചെയ്തു. നിമിഷം നേരം കൊണ്ട് തന്നെ മല്ലികയുടെ സന്ദേശം സാമൂഹ്യ മാധ്യമങ്ങളിലും തരംഗമായി.