എന്റെ ചിന്തകളിലും പ്രാര്‍ത്ഥനകളിലും എപ്പോഴും നിങ്ങളുണ്ടെന്ന് മല്ലിക സുകുമാരന്‍! പൃഥ്വിരാജിന്റെയും സുപ്രിയയുടേയും വിവാഹ വാര്‍ഷികദിനത്തില്‍ അമ്മ കുറിച്ചത്?

പൃഥ്വിരാജിന്റെയും സുപ്രിയയുടേയും ചിത്രങ്ങള്‍ ചേര്‍ത്തുവെച്ചുള്ള ഫോട്ടോയുമായാണ് മല്ലിക സുകുമാരന്‍ എത്തിയത്. ഇന്നും എല്ലാദിവസവും എന്റെ ചിന്തകളിലും പ്രാര്‍ത്ഥനകളിലും നിങ്ങളിലുണ്ട് എന്നായിരുന്നു കുറിപ്പ്. ഹാപ്പി വെഡ്ഡിങ് ആനിവേഴ്‌സറി മോന്‍ ആന്‍ഡ് സുപ്രിയ, ഗോഡ് ബ്ലെസ് യു എന്നും മല്ലിക കുറിച്ചിരുന്നു. നിരവധി പേരാണ് മല്ലികയുടെ പോസ്റ്റിന് താഴെയായി കമന്റുകളുമായെത്തിയത്.

സുപ്രിയ മരുമകളായി വന്നതിനെക്കുറിച്ചും അതിന് ശേഷമുള്ള പൃഥ്വിരാജിന്റെ ജീവിതത്തെക്കുറിച്ചുമെല്ലാം മല്ലിക നിരവധി തവണ തുറന്നുപറഞ്ഞിരുന്നു. അധികം സംസാരിക്കാറില്ലെങ്കിലും തനിക്കേറെ പ്രിയപ്പെട്ടയാളാണ് സുപ്രിയയും. കൊച്ചിയിലെത്തിയാല്‍ ഇവിടെ നില്‍ക്കാമെന്ന് പറഞ്ഞ് നിര്‍ബന്ധിക്കാറുണ്ട്. ഭക്ഷണമൊന്നും ഉണ്ടാക്കേണ്ട ഇങ്ങോട്ടേക്ക് പോരൂയെന്നാണ് അവള്‍ പറയാറുള്ളതെന്നും അടുത്തിടെ നല്‍കിയ അഭിമുഖത്തില്‍ മല്ലിക പറഞ്ഞിരുന്നു.

നേരെ വാ നേരെ പോ എന്ന പ്രകൃതമാണ് രാജുവിന്റെത്. ഉള്ളത് കൃത്യമായി മുഖത്ത് നോക്കി പറയുന്ന പ്രകൃതമാണ്. മൂത്തയാള്‍ കുറച്ചുകൂടി സോഫ്റ്റാണ് രാജുവിന് അച്ഛന്റെ അതേ സ്വഭാവമാണ് കിട്ടിയതെന്നും മല്ലിക പറഞ്ഞിരുന്നു. എല്ലാം പെര്‍ഫെക്റ്റായി ചെയ്യുന്നയാളാണ്. അത് മനസിലാക്കി അറിഞ്ഞ് പെരുമാറുന്നയാളാണ് സുപ്രിയ. രാജുവിന് പറ്റിയ ആള്‍ തന്നെയാണ് സുപ്രിയ എന്നും അവര്‍ പറഞ്ഞിരുന്നു.

രാജുവും സുപ്രിയയും വഴക്കിടുന്നത് ഇന്നുവരെ നേരിട്ട് കണ്ടിട്ടില്ല. ഞാന്‍ കാണുമ്പോഴെല്ലാം ഡാഡ, സുപ് എന്നൊക്കെ വിളിച്ചാണ് രണ്ടാളേയും കാണാറുള്ളത്. ഇനി ഞാന്‍ അറിയാതെ വഴക്കിടുന്നുണ്ടോയെന്നറിയില്ലെന്നും മല്ലിക പറഞ്ഞിരുന്നു. കൊച്ചുമകളായ അലംകൃതയുടെ എഴുത്തിനെ പോത്സാഹിപ്പിച്ച് അത് പുസ്തകമാക്കിയതൊക്കെ മരുമകളുടെ ആശയമാണെന്നും അവര്‍ വ്യക്തമാക്കിയിരുന്നു.