പൂര്‍ണിമയും ഇന്ദ്രനും ഒന്നും അറിഞ്ഞിട്ടില്ല! പ്രാര്‍ത്ഥന തന്നെ അപ്ലിക്കേഷന്‍ കൊടുത്ത് അഡ്മിഷന്‍ ശരിയാക്കി! കൊച്ചുമകളെക്കുറിച്ച് മല്ലിക സുകുമാരന്‍

മക്കളേക്കാളും കൂടുതല്‍ കൊച്ചുമക്കളെക്കുറിച്ച് വാചാലയാവാറുണ്ട് മല്ലിക സുകുമാരന്‍. ഇന്ദ്രജിത്തിന്റെ മകളായ പ്രാര്‍ത്ഥനയാണ് കുടുംബത്തിലെ ആദ്യത്തെ കൊച്ചുമകള്‍. പ്രാര്‍ത്ഥനയെന്ന പേരാണ് മല്ലിക തന്റെ വീടിന് ഇട്ടത്. കുടുംബത്തിലെല്ലാവരേയും പോലെ പ്രാര്‍ത്ഥനയും സിനിമയില്‍ സാന്നിധ്യം അറിയിച്ചിരുന്നു. അഭിനയമല്ല പാട്ടായിരുന്നു താരപുത്രി തിരഞ്ഞെടുത്തത്. സൈമ അവാര്‍ഡ്‌സുള്‍പ്പടെയുള്ള പുരസ്‌കാരങ്ങളും ഇതിനകം പ്രാര്‍ത്ഥനയെ തേടിയെത്തിയിട്ടുണ്ട്. സംഗീതത്തില്‍ ഉപരിപഠനം നടത്താനുള്ള തയ്യാറെടുപ്പിലാണ് പ്രാര്‍ത്ഥന എന്ന് മല്ലിക സുകുമാരന്‍ പറയുന്നു. ജമേഷ് ഷോയില്‍ പങ്കെടുത്തപ്പോഴായിരുന്നു അവര്‍ കൊച്ചുമകളെക്കുറിച്ച് സംസാരിച്ചത്.
എനിക്ക് മ്യൂസിക്ക് പഠിക്കണമെന്ന് പറഞ്ഞ് അവള്‍ തന്നെയാണ് അപ്ലിക്കേഷന്‍സൊക്കെ അയച്ചത്. ഇന്ദ്രനും പൂര്‍ണിമയും ഒന്നും അറിഞ്ഞിട്ടില്ല. ലണ്ടനില്‍ പഠിക്കണം, പറ്റിയാല്‍ ന്യൂജേഴ്‌സിയില്‍ പോണമെന്നും അവള്‍ പറഞ്ഞിരുന്നു. അവള്‍ക്ക് അഡ്മിഷന്‍ കിട്ടി, ജനുവരിയില്‍ അവള്‍ ലണ്ടനിലേക്ക് പോവുകയാണ്. മറ്റ് വിഷയങ്ങളെല്ലാം ബോറിംഗാണെന്നാണ് അവള്‍ പറഞ്ഞത്. എനിക്ക് മ്യൂസിക്കാണ് ഇഷ്ടം. അവിടെ പോപ്പ് മ്യൂസിക്കൊക്കെ പഠിപ്പിക്കുന്നുണ്ട്. വളരെ സ്മാര്‍ട്ടായാണ് അവള്‍ ഇതേക്കുറിച്ച് പറഞ്ഞത്.അവള്‍ തന്നെ കാശൊക്കെ സമ്പാദിക്കുന്നുണ്ട്. പ്രാര്‍ത്ഥന നല്ല സ്മാര്‍ട്ടാണ്. അമ്മൂമ്മ എന്തിനാണ് പേടിക്കുന്നത്, ഞാനിവിടെയുണ്ടെന്ന് ധൈര്യത്തോടെ അവളെന്നോട് പറയാറുണ്ട്.
അവര്‍ക്കൊരു ബാന്‍ഡുണ്ട്. ഞങ്ങളുടെ പരിപാടി കാണാന്‍ അമ്മൂമ്മയൊരു ദിവസം വരണേയെന്നൊക്കെ പറഞ്ഞ് എന്നെ വിളിച്ചിരുന്നു. നീ ഇത് പഠിക്കണ്ട, ഇങ്ങനെ പോവണമെന്നൊന്നും ഇന്നത്തെ മക്കളോട് പറയാനാവില്ല. പുറത്തൊക്കെ പഠിക്കുമ്പോള്‍ ഇങ്ങനെയാണ് കാര്യങ്ങള്‍ ശ്രദ്ധിക്കണമെന്ന് പറഞ്ഞ് കൊടുക്കാമെന്ന് മാത്രം.
അച്ഛമ്മാ ഒരു കാര്യമുണ്ടെന്ന് പറഞ്ഞ് അലംകൃതയും നക്ഷത്രയും വരും. പിറന്നാളിന് കേക്ക് മുറിച്ചപ്പോള്‍ ഞങ്ങള്‍ ഇവിടെ നിന്ന് വെറുതെ തമാശ കാണിച്ചതാണ്. കുറക്കേഴിഞ്ഞാണ് അത് ഇന്‍സ്റ്റഗ്രാമില്‍ പോസ്റ്റ് ചെയ്തതെന്ന് അറിഞ്ഞത്. മക്കളേ, ഈ അമ്മൂമ്മ എന്താണ് കാണിക്കുന്നതെന്ന് എല്ലാവരും ചോദിക്കില്ലേയെന്ന് ചോദിച്ചപ്പോള്‍ അതൊന്നും കുഴപ്പമില്ലെന്നായിരുന്നു പ്രാര്‍ത്ഥന പറഞ്ഞത്.
Latest Malayalam Movie News