മമ്മൂട്ടിക്കൊപ്പം നയൻതാര വീണ്ടും

തെന്നിന്ത്യയുടെ ലേഡി സൂപ്പര് സ്റ്റാര് നയൻ താര വീണ്ടും മമ്മൂട്ടിക്കൊപ്പം എത്താൻ ഒരുങ്ങുന്നതായി റിപ്പോര്ട്ട്. ആന്ധ്രാപ്രദേശ് മുന് മുഖ്യമന്ത്രി വൈ എസ് രാജശേഖര റെഡ്ഡിയുടെ ജീവിതകഥയെ ആസ്പദമാക്കി ഒരുക്കുന്ന ചിത്രത്തിലാണ് നയൻതാര മമ്മൂട്ടിക്കൊപ്പം എത്തുന്നതെന്നാണ് റിപ്പോര്ട്ടുകൾ സൂചിപ്പിക്കുന്നത്. മമ്മൂട്ടിയാണ് ചിത്രത്തിലെ മുഖ്യ വേഷം കൈകാര്യം ചെയ്യുന്നത്. മാഹി വി രാഘവ് ആണ് ചിത്രം സംവിധാനം ചെയ്യുന്നത്. സിനിമയെക്കുറിച്ചുള്ള ചര്ച്ചകള് പുരോഗമിക്കുകയാണ്.


കാസ്റ്റിംഗിന്റെ കാര്യത്തില് അന്തിമ സ്ഥിരീകരണം ഇതുവരെ പുറത്ത് വന്നിട്ടില്ലെങ്കിലും നയൻതാരയുടെ പേരാണ് ചിത്രത്തിനൊപ്പം ഇപ്പോൾ ഉയര്ന്നു കേൾക്കുന്നത്. 1999-2004 വരെയുള്ള വൈ എസ് രാജശേഖര റെഡ്ഡിയുടെ കാലഘട്ടത്തിന്റെ കഥയാണ് ചിത്രം പറയുന്നത്. യാത്ര എന്നാണ് ഈ ബയോപിക്കിന് പേരിട്ടിരിക്കുന്നത്. രാപ്പകൽ, തസ്കര വീരൻ, ഭാസ്കര് ദി റാസ്കൽ, പുതിയ നിയമം എന്നീ ചിത്രങ്ങൾക്ക് ശേഷം ഇതുവരും ഒന്നിക്കുന്ന ചിത്രമായിരിക്കും യാത്ര.

നവാഗതനായ ശരത് സന്ധിത് സംവിധാനം ചെയ്യുന്ന പരോൾ ആണ് മമ്മൂട്ടിയുടേതായി ഇനി പുറത്തിറങ്ങാനുള്ള ചിത്രം. ഈ മാസം 31ന് ചിത്രം തീയേറ്ററുകളിലെത്തും.