പിറന്നാള്‍ ആശംസകളുമായി അർദ്ധരാത്രി ആരാധകർ മമ്മൂക്കയുടെ വീട്ടിലെത്തി

മലയാളത്തിന്‍റെ മെഗാ സ്റ്റാറായ മമ്മൂട്ടിയുടെ 68-ാം പിറന്നാള്‍ ദിനത്തിൽ രാത്രി 12ന് ആശംസളുമായി വീട്ടിലെത്തി ആരാധകർ. കൊച്ചി പനമ്പിള്ളി നഗറിലെ വീട്ടിന് മുമ്പിലാണ് ആരാധകർ തടിച്ചു കൂടിയത്. ഇത്തവണ ആരാധകരുടെ ആവേശത്തില്‍ പങ്കു ചേരാനായി മമ്മൂട്ടിയും സംവിധായകന്‍ രമേശ്‌ പിഷാരടിയും ഒപ്പമെത്തി. അവരുടെ ആര്‍പ്പു വിളികളുടെ ഇടയിൽ താരം കൈവീശി ആശംസകൾക്ക് നന്ദിയേകി.

Also Read: 'പണി അറിയാവുന്നോണ്ട് തന്നെയാ പിടിച്ച് നില്‍ക്കുന്നത്': ഗാനഗന്ധര്‍വ്വൻ ട്രെയിലര്‍

അതിനുശേഷമായിരുന്നു തന്‍റെ പുതിയ ചിത്രമായ 'ഗാനഗന്ധര്‍വ്വന്‍' സിനിമയുടെ ട്രെയിലര്‍ മമ്മൂട്ടിയുടെ ഫേസ്ബുക്ക്‌ പേജില്‍ റിലീസ് ചെയ്തത്. കഴിഞ്ഞ വര്‍ഷവും ഇതേ രീതിയിൽ മമ്മൂട്ടി ഫാന്‍സ്‌ പിറന്നാള്‍ ദിനത്തില്‍ അര്‍ദ്ധരാത്രി അദ്ദേഹത്തെ കാണാനായെത്തിയിരുന്നു.

Also Read: മലയാളത്തിന്‍റെ നിത്യയൗവനം; മമ്മൂക്കയ്ക്ക് ഇന്ന് 68-ാം പിറന്നാള്‍

ഗാനഗന്ധര്‍വ്വന്‍റെ സംവിധായകനും നടനുമായ രമേഷ് പിഷാരടിയുടെ ഫേസ്ബുക്കിലൂടെയാണ് ഈ ലൈവ് വീഡിയോ പ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. നിരവധി ആരാധകരാണ് തന്‍റെ പ്രിയപ്പെട്ട താരത്തന്‍റെ പിറന്നാളാഘോഷത്തിന് ആശംസകള്‍ നേരാനായി വീടിന് പുറത്ത് തടിച്ചുകൂടിയിരുന്നത്. നിര്‍മ്മാതാവ് ആന്‍റോ ജോസഫ് ഉള്‍പ്പെടെയുള്ള നിരവധിപേരും മമ്മൂട്ടിക്കൊപ്പം ഉണ്ടായിരുന്നു. ആരാധകരുടെ സ്നേഹ പ്രകടനങ്ങൾക്കിടയിലേക്ക് ഇറങ്ങി ചെന്ന് അദ്ദേഹം ആശംസകൾ സ്വീകരിക്കുന്നതും വീഡിയോയിൽ കാണാം.