'ലോക്ക് ഡൗണിന് ശേഷം മമ്മൂക്ക വീട്ടിലേക്ക് ക്ഷണിച്ചിട്ടുണ്ട്': ഗോകുലൻ

സിനിമാ നടൻ ഗോകുലനും ധന്യയും ഇന്ന് വിവാഹിതരായിരിക്കുകയാണ്. പെരുമ്പാവൂര്‍ ഇരവിച്ചിറ ക്ഷേത്രത്തിൽ വെച്ചായിരുന്നു വിവാഹ ചടങ്ങുകള്‍ നടന്നത്. സിനിമ നടനാകുന്നതിന് മുമ്പേ ലളിതമായ വിവാഹം സ്വപ്നം കണ്ടിരുന്നയാളാണെന്ന് ഗോകുലൻ തന്നെ കാണാനെത്തിയ മാധ്യമങ്ങളോട് പറഞ്ഞു. സിനിമാ ഇൻഡസ്ട്രിയിൽ നിന്ന് നിരവധിപേര്‍ തന്നെ വിളിച്ചിരുന്നുവെന്നും നടൻ മമ്മൂട്ടി തന്നെയും ഭാര്യേയും ലോക്ക് ഡൗണിന് ശേഷം വീട്ടിലേക്ക് ക്ഷണിച്ചിട്ടുണ്ടെന്നും അദ്ദേഹം പറഞ്ഞിരിക്കുകയാണ്.

Also Read: നടൻ ഗോകുലനും ധന്യയും വിവാഹിതരായി; ചിത്രങ്ങൾ കാണാം

താൻ സ്വപ്നം കണ്ടപോലെ തന്‍റെ ആഗ്രഹം പോലെ ലളിതമായി വിവാഹം നടന്നു. സാഹചര്യം ഇങ്ങനെയാണ്, വിവാഹമല്ല ആഘോഷിക്കപ്പെടേണ്ടത്, ദാമ്പത്യമാണ് ആഘോഷിക്കേണ്ടതെന്നും അദ്ദേഹം പറയുകയുണ്ടായി. മമ്മൂക്ക, ജയസൂര്യ, മണികണ്ഠൻ, സുധി കോപ്പ, നിരവധി സംവിധായകര്‍ തുടങ്ങിയവരൊക്കെ തന്നെ വിളിച്ചിരുന്നുവെന്നും ആശംസകള്‍ അറിയിച്ചുവെന്നും അദ്ദേഹം മാധ്യമങ്ങളോട് പറഞ്ഞു.

Also Read: കൊറോണ മാറുമ്പോഴേക്കും എല്ലാം പഴയപടിയാകും; ഒടിടി റിലീസുകൾ സിനിമ മേഖലയെ നശിപ്പിക്കില്ലെന്ന് യുവനടൻ!

ധന്യയാണ് ഗോകുലന്‍റെ വധു. പെരുമ്പാവൂർ അയ്മുറിയാണ് സ്വദേശം. വീട്ടുകാര്‍ ആലോചിച്ചുറപ്പിച്ച വിവാഹമാണെന്നും ഗോകുലൻ പറയുകുണ്ടായി. ഒരുപാടു പേർ പങ്കെടുക്കാൻ ആഗ്രഹിച്ചിരുന്നതാണ് തന്‍റെ വിവാഹം, കുറെ കാലത്തെ കാത്തിരിപ്പിനു ശേഷമുണ്ടായ കല്ല്യാണമായതിനാലണതെന്നും അദ്ദേഹം കൂട്ടിച്ചേര്‍ക്കുകയുണ്ടായി. മമ്മൂട്ടി നായകനായ പത്തേമാരി, തോപ്പിൽ ജോപ്പൻ തുടങ്ങി നിരവധി സിനിമകളിൽ ഗോകുലൻ അഭിനയിച്ചിട്ടുണ്ട്.

Also Watch :