അഴകനിലെ പാട്ടുമായി മമ്മൂട്ടി
മമ്മൂട്ടി, ഭാനുപ്രിയ, ഗീത തുടങ്ങിയവർ അഭിനയിച്ച 'അഴകൻ' എന്ന കെ.ബാലചന്ദർ സിനിമയിൽ എസ് പി ബി തനിക്കായി പാടിയ സംഗീത സ്വരങ്ങൾ ഏഴൈ കണക്കാ എന്ന പാട്ട് കുറിച്ചുകൊണ്ടാണ് മമ്മൂട്ടി അദ്ദേഹത്തിന് ആദരവര്‍പ്പിച്ച് സോഷ്യൽമീഡിയയിൽ പോസ്റ്റ് പങ്കുവെച്ചിരിക്കുന്നത്. എസ്പിബി, ദി ട്രൂ ലെജൻഡ് എന്നും അദ്ദേഹം എഴുതിയിരിക്കുകയാണ്.
തീരാനഷ്ടമെന്ന് മോഹൻലാൽ
സംഗീത ലോകത്തിന് തീരനാഷ്ടമാണ് ഈ വിടവാങ്ങൽ, ഹൃദയഭേദകം. താങ്കളുടെ ആത്മാവിന് നിത്യ ശാന്തി നേരുന്നു, മോഹൻലാൽ ഫേസ്ബുക്കിൽ കുറിച്ചിരിക്കുന്നത് ഇങ്ങനെയാണ്. എസ്പിബിയുടെ ചിത്രം പങ്കുവെച്ചുകൊണ്ടാണ് മോഹൻലാൽ കുറിപ്പ് പങ്കുവെച്ചിരിക്കുന്നത്.
Also Read: എസ്.പി.ബി ഇനി താരാപഥങ്ങളില്‍...; വേദനയോടെ സംഗീത ലോകം
അനശ്വരമായ സംഗീതമെന്ന് സുരേഷ് ഗോപി
ഹൃദയഭേദകം, ഇതിഹാസം ഇനിയില്ലെന്ന് വിശ്വസിക്കാനാവുന്നില്ല. താങ്കളുടെ സംഗീതം, പൈതൃകം അത് അനശ്വരമാണ് എന്ന് സുരേഷ് ഗോപി കുറിച്ചിരിക്കുകയാണ്. ഇളയനിലാ എന്ന പാട്ടും അദ്ദേഹം പങ്കുവെച്ചിരിക്കുകയാണ്.
അദ്ദേഹം ജീവിച്ച കാലഘട്ടത്തിൽ ജീവിക്കാനായത് ഭാഗ്യമെന്ന് ജയറാം
ഇതിഹാസം വിട പറഞ്ഞു. അങ്ങ് ജീവിച്ച കാലഘട്ടത്തിൽ തന്നെ ജീവിക്കാൻ സാധിച്ചത് ഒരു മഹാഭാഗ്യമായി കാണുന്നു. ദേഹം മാത്രമേ വിട്ടു പിരിയുന്നുള്ളു . അങ്ങയുടെ മരിക്കാത്ത ശബ്ദമാധുരിയിലൂടെ അങ്ങ് ജീവിക്കുന്നു, ഇനി വരുന്ന തലമുറകൾക്കും വേണ്ടി... റെസ്റ്റ് ഇൻ പീസ് ജയറാം കുറിച്ചിരിക്കുകയാണ്.
ജനമനസ്സുകളിൽ എന്നും ജീവിക്കുമെന്ന് ദിലീപ്
അതുല്യ ഗായകൻ എസ്പിബി സാർ ഓർമ്മയായി! സംഗിതാസ്വാദകരെ ഹരം കൊള്ളിച്ച നൂറ് കണക്കിന് പാട്ടുകളിലൂടെ ലക്ഷക്കണക്കിന് ആരാധക മനസ്സുകളിൽ അദ്ദേഹം ഇനിയും ജീവിക്കും, ആദരാഞ്ജലികൾ എന്നാണ് ദിലീപ് ഫേസ്ബുക്കിൽ കുറിച്ചിരിക്കുന്നത്.
Also Read: ഹൃദയഭേദകം, തന്നെ താരമാക്കിയ ശബ്ദം; എസ്.പി.ബിയുടെ വേർപാടില്‍ സല്‍മാന്‍ ഖാന്‍