സെപ്റ്റംബർ 7 വെൽഫെയ‍ർ ദിനമായി ആഘോഷിക്കാൻ മമ്മൂട്ടി ഫാൻസ്

കൊച്ചി : മെഗാസ്റ്റാർ മമ്മൂട്ടിയുടെ ജന്മ ദിനമായ സെപ്റ്റംബര്‍ ഏഴിന് വെൽഫെയർ ദിനമായി ആഘോഷിക്കാനൊരുങ്ങി മമ്മൂട്ടി ആരാധകര്‍. ലോകമെമ്പാടും ഉള്ള പതിനായിരക്കണക്കിന് ആരാധകർ അന്നേ ദിവസം രക്തദാനം നടത്താൻ തയ്യാറായിരിക്കുകയാണ്. ഇതിനുള്ള പ്രവര്‍ത്തനങ്ങള്‍ ഇപ്പോഴേ ആരംഭിച്ചതായി ഫാൻസ് അസോസിയേഷൻ ഭാരവാഹികള്‍ അറിയിച്ചു. കൊറോണമൂലം കർശന നിയന്ത്രണങ്ങൾ ഉണ്ടെങ്കിലും നിയമങ്ങൾ എല്ലാം പാലിച്ചു കൊണ്ട് തന്നെ നിരവധി ജീവകാരുണ്യ പ്രവർത്തനങ്ങളും ഈ ദിനത്തോട് അനുബന്ധിച്ച് നടക്കുമെന്ന് അവര്‍ അറിയിച്ചു.

Also Read: ടഹാൻ്റെ ചിത്രങ്ങൾ പങ്കിട്ട് ടൊവിനോ; ഏറ്റെടുത്ത് ആരാധകർ!

1951 സെപ്റ്റംബർ ഏഴിന് വൈക്കത്ത് ചെമ്പിൽ ജനിച്ച മമ്മൂട്ടിക്ക് ഇക്കുറി 69 വയസ്സ് പൂര്‍ത്തിയാവുകയാണ്. കൊവിഡ് ഭീതിയിൽ സര്‍ക്കാര്‍ മാനദണ്ഡങ്ങൾ പാലിച്ചുകൊണ്ട് തങ്ങളുടെ പ്രിയ താരത്തിന്‍റെ ജന്മദിനം കൊണ്ടാടാൻ ഒരുങ്ങിയിരിക്കുകയാണ് ഫാൻസ് അസോസിയേഷനുകള്‍.
മമ്മൂട്ടി ഫാൻസ്‌ ആൻഡ് വെൽഫയർ അസോസിയേഷൻ ഇന്‍റര്‍നാഷണൽ ഘടകത്തിന്‍റെ ആഭിമുഖ്യത്തിൽ പതിനേഴ് രാജ്യങ്ങളിലെ പ്രവർത്തകർ രക്തദാനം നിർവ്വഹിക്കുമെന്ന് ഇന്‍റർനാഷണൽ സെക്രട്ടറി സഫീദ് മുഹമ്മദ്‌ പറഞ്ഞു. ഇതിന്‍റെ ഭാഗമായുള്ള ആദ്യ രക്തദാനം ഓസ്‌ട്രേലിയയിൽ നടന്നു. ഓസ്‌ട്രേലിയൻ റെഡ് ക്രോസ്സുമായി സഹകരിച്ചാണ് ഇപ്പോൾ രക്തദാന ക്യാമ്പെയ്ൻ നടക്കുന്നത്. ഫൻസിന്‍റെ അന്തർദേശീയ അധ്യക്ഷൻ റോബർട്ട് കുര്യക്കോസ് ആദ്യരക്ത ദാനം ഹോബർട്ടിൽ നിർവ്വഹിച്ചു.

Also Read: അമാലിനെ ചേർത്ത് നിർത്തി ഡിക്യു, ആം ബേബിയോട് ദുൽഖറിന് പറയാനുള്ളത്!

അതേസമയം കേരളത്തിൽ കൺടെയ്ൻമെന്‍റ് സോണിനു പുറത്തുള്ള ആരാധകർ മാത്രം രക്തദാനം നിർവ്വഹിച്ചാൽ മതിയെന്ന് സംസ്ഥാന പ്രസിഡന്‍റ് അരുൺ അറിയിച്ചു. അനാഥലയങ്ങളും അഗതി മന്ദിരങ്ങളും കേന്ദ്രീകരിച്ച് നൂറു കണക്കിന് പ്രവർത്തനങ്ങൾ സംസ്ഥാനത്തും അന്നേ ദിവസം നടക്കുമെന്നും അറിയിച്ചിട്ടുണ്ട്.

Also Watch :