സംവൃതയും മംമ്തയും കണ്ടുമുട്ടിയപ്പോൾ

ഒരു ഇടവേളയ്ക്ക് ശേഷമുള്ള കണ്ടുമുട്ടലാണ് മംമ്തയുടെയും സംവൃതയുടെയും. 2012ൽ ശ്യാമപ്രസാദ് സംവിധാനം ചെയ്ത 'അരികെ' എന്ന സിനിമയിലായിരുന്നു അവസാനമായി ഇരുവരും ഒരുമിച്ചത്. അഞ്ച് വർഷങ്ങൾക്ക് ശേഷം ഇരുവരും കണ്ടുമുട്ടിയതിപ്പോൾ കാലിഫോർണിയിലാണ്. വിവാഹ ശേഷം കാലിഫോർണിയയിലാണ് സംവൃത താമസിക്കുന്നത്. സംവൃതയുടെ വീട്ടിൽ ഒരു സന്ദർശനം നടത്തിയിരിക്കുകയാണ് മംമ്ത. മംമ്തയാണ് ഇരുവരുടെയും ചിത്രം പങ്കുവച്ചത്.



ഒരുപാട് നേരം സംസാരിച്ചിരുന്നു. അമ്മു എന്നു വിളിക്കുന്ന സംവൃത എനിക്ക് ബിരിയാണിയും മാംഗോ ചീസ് കേക്കും ഉണ്ടാക്കി തന്നുവെന്നും മംമ്ത പറയുന്നു. കൂട്ടുകാരിയും സഹപ്രവർത്തകയുമായ സംവൃതയെ കണ്ടതിൽ അതീവ സന്തോഷമുണ്ടെന്നും മംമ്ത കൂട്ടിച്ചേർത്തു.