അന്ന് എന്നോട് നോ പറഞ്ഞ സംവിധായകന്‍! ഇന്ന് അദ്ദേഹത്തിന്റെ സിനിമയിലെ നായിക! ലൈവിനെക്കുറിച്ച് മംമ്ത മോഹന്‍ദാസ്‌

വികെ പ്രകാശ് ചിത്രമായ ലൈവിലൂടെയായി മംമ്ത മോഹന്‍ദാസ് വീണ്ടും എത്തുകയാണ്. മയൂഖം കഴിഞ്ഞ സമയത്ത് ഒരു ആഡ് ഫിലിമിന് വേണ്ടി വികെപി ഓഡീഷന്‍ നടത്തിയിരുന്നു. അന്ന് എന്നെ വേണ്ടെന്ന് പറഞ്ഞ ആളാണ് അദ്ദേഹം. അദ്ദേഹത്തിനൊപ്പം ജോലി ചെയ്യാനായി കാത്തിരിക്കുകയായിരുന്നു ഞാന്‍. രേഖ മേനോനൊപ്പം സംസാരിക്കവെയാണ് മംമ്ത വിശേഷങ്ങള്‍ പങ്കുവെച്ചത്. അദ്ദേഹത്തിന്റെ സിനിമകള്‍ മാത്രമല്ല ക്യാരക്ടറും എനിക്കിഷ്ടമാണ്. ലാല്‍ബാഗ് എന്ന സിനിമയില്‍ ഞാന്‍ അദ്ദേഹത്തിനൊപ്പം പ്രവര്‍ത്തിച്ചിരുന്നു. എന്റെ സൈക്കാട്രിസ്റ്റായാണ് അദ്ദേഹം അഭിനയിച്ചത്. ലൈവ് ഷൂട്ട് തുടങ്ങിയ സമയത്ത് ഞങ്ങള്‍ ഇതോര്‍ക്കുന്നുണ്ടായിരുന്നില്ല. സംവിധായകനായാണ് ഞാന്‍ അദ്ദേഹത്തെ കണ്ടത്. അഭിനേതാവാണെന്ന കാര്യം മറന്ന് പോയിരുന്നു.
ഇങ്ങനെയൊരു കഥയുണ്ട് എന്ന് അദ്ദേഹം പറഞ്ഞപ്പോള്‍ തന്നെ ഞാന്‍ എക്‌സൈറ്റഡായിരുന്നു. വികെപിയോടൊപ്പം പ്രവര്‍ത്തിക്കാന്‍ അവസരം ലഭിച്ചതില്‍ സന്തോഷവതിയായിരുന്നു. ഈ ക്യാരക്ടര്‍ ചെയ്യുന്നതിന് മുന്‍പ് ഞാന്‍ അങ്ങനെയധികം പ്രിപ്പറേഷന്‍സൊന്നും ചെയ്തിരുന്നില്ല. നമുക്ക് എന്തെങ്കിലും സംഭവിക്കുകയാണെങ്കിലല്ലേ നമ്മള്‍ പല കാര്യങ്ങളും ഗൗരവത്തില്‍ എടുക്കുള്ളൂ. അതേപോലെ ഫേക്ക് ന്യൂസ് അങ്ങനെയൊക്കെയുള്ള വിഷയങ്ങളെക്കുറിച്ച് പറയുന്ന ചിത്രം കൂടിയാണിത്. ഇതൊരു ക്യാരക്ടറിനെ ബേസ് ചെയ്തുള്ള സ്റ്റോറിയാണ്.
Also Watch:
ഒരാള്‍ ജീവിതത്തിലേക്ക് വന്നു എന്ന് രേഖ പറഞ്ഞപ്പോള്‍ മംമ്തയ്ക്ക് ഞെട്ടലായിരുന്നു. പട്ടിക്കുട്ടിയുടെ കാര്യമാണ് ഞാന്‍ പറഞ്ഞത്. ഒരു സര്‍പ്രൈസുണ്ടെന്ന് പറഞ്ഞപ്പോള്‍ ഇതായിരുന്നില്ല പ്രതീക്ഷിച്ചത്. ബുച്ചി വന്നതിന് ശേഷം ജീവിതത്തില്‍ ഒരുപാട് മാറ്റങ്ങള്‍ വന്നു. സിബ്ലിംഗ്‌സ് ഇല്ലാത്തതിന്റെ കുറവ് ഇപ്പോള്‍ മാറി. അതേപോലെ മമ്മിയുടെ ക്യാരക്ടറിലും ഒരുപാട് മാറ്റങ്ങള്‍ വന്നിട്ടുണ്ട് ഇപ്പോള്‍. എന്തെങ്കിലും പറഞ്ഞ് വഴക്കുണ്ടാക്കിയാല്‍ മമ്മി അതൊക്കെ അപ്പോള്‍ തന്നെ മറക്കും. ബുച്ചി വന്ന് എല്ലാം മാറ്റി മറിക്കുമെന്നുമായിരുന്നു മംമ്ത വീട്ടിലെ പുതിയ അതിഥിയെക്കുറിച്ച് പറഞ്ഞത്.