'പ്രണയവർണ്ണങ്ങളി'ലെ അതേ ഗോവണിപ്പടികൾ! 22 വർഷങ്ങൾക്ക് ശേഷം നടന്നുകയറി മഞ്ജു

മലയാളികള്‍ ആവേശപൂ‍ർവ്വം ഏറ്റെടുത്ത ചിത്രമാണ് സിബി മലയിൽ ഒരുക്കിയ 'പ്രണയവര്‍ണ്ണങ്ങള്‍'. ചിത്രത്തിലെ ഓരോ ഗാനങ്ങളും രംഗങ്ങളുമൊക്കെ ഇന്നും പ്രേക്ഷകർക്കിഷ്ടമാണ്. ചിത്രത്തിലെ രംഗങ്ങളിൽ മിന്നിമായുന്ന പ്രധാന ഇടങ്ങളിൽ ഒന്നായിരുന്നു ചിത്രത്തിലെ നായികമാരായ മഞ്ജുവും ദിവ്യയും താമസിച്ചിരുന്ന ഹോസ്റ്റല്‍.

Also Read: എന്‍റെ ബോസിന് നന്ദി! മമ്മൂട്ടിക്ക് ആനന്ദമുത്തം നൽകി 'ഷൈലോക്ക്' സംവിധായകൻ

ഇപ്പോഴിതാ ചിത്രം പുറത്തിറങ്ങി നീണ്ട 22 വര്‍ഷങ്ങള്‍ക്ക് ശേഷം അതേ കോണി പടികള്‍ കയറിയിരിക്കുകയാണ് മഞ്ജു. മഞ്ജുവും സണ്ണിയും ആദ്യമായി ഒന്നിക്കുന്ന ഹൊറർ ചിത്രമായ 'ചതുര്‍മുഖം' എന്ന സിനിമയുടെ ഷൂട്ടിങ്ങുമായി ബന്ധപ്പെട്ടാണ് താരം പഴയ ലൊക്കേഷനില്‍ വീണ്ടുമെത്തിയിരിക്കുന്നത്. 98-ൽ ഇറങ്ങിയ പ്രണയവർണ്ണങ്ങളുടെ സ്മരണകള്‍ ഉണര്‍ത്തുന്ന പടികെട്ടുകളില്‍ കൂടി വീണ്ടും നടന്നുകയറുന്ന വീഡിയോ മഞ്ജു തന്നെയാണ് സോഷ്യൽമീഡിയയിലൂടെ പങ്കുവെച്ചിരിക്കുന്നത്.

22 വർഷങ്ങള്‍,പ്രണയവർണ്ണങ്ങൾ പുറത്തിറങ്ങിയത് 98-ൽ ഇതേ ദിവസമായിരുന്നു എന്നു പറഞ്ഞാണ് താരം വീഡിയോ പങ്കുവെച്ചിരിക്കുന്നത്. തന്നെ ഓർ‍മ്മകളുടെ ഓരത്തേക്ക് കൊണ്ടുപോയ വീഡിയോ ഒരുക്കിയ രാജീവൻ ഫ്രാൻസിസ് എന്നയാള്‍ക്ക് നന്ദിയും താരം പങ്കുവെച്ചിട്ടുണ്ട്.

Also Read: ഈ പേര് എവിടെയോ...? ദേ മരക്കാറിലുമുണ്ടൊരു ചന്ദ്രോത്ത് പണിക്കർ!

1998ല്‍ പുറത്തിറങ്ങിയ പ്രണയവ‍ർണ്ണങ്ങളിൽ സുരേഷ് ഗോപി, മഞ്ജു വാര്യര്‍,ദിവ്യ ഉണ്ണി,ബിജു മേനോന്‍ എന്നിവരായിരുന്നു പ്രധാന അഭിനേതാക്കളായെത്തിയിരുന്നത്. ഗിരീഷ് പുത്തഞ്ചേരി,സച്ചിദാനന്ദന്‍ പുഴങ്കര എന്നിവരുടെ വരികള്‍ക്ക് വിദ്യാസാഗറാണ് സംഗീതം പകര്‍ന്നിരുന്നത്. നവാഗതരായ സലില്‍-രഞ്ജിത് എന്നിവര്‍ ചേര്‍ന്നാണ് ചതുർമുഖം സംവിധാനം ചെയ്യുന്നത്.

Also Watch :