തല ഒരിക്കലും കുനിയാൻ ഇടവരരുത്; എല്ലാം ക്ഷമയോടെ നിരീക്ഷിക്കാൻ പഠിക്കൂ; ആറ്റിട്യൂട് പോസ്റ്റുമായി മഞ്ജു!

ഷൂ കെട്ടാനല്ലാതെ തല ഒരിക്കലും കുനിയാൻ ഇടവരരുത്, എന്നാണ് മനോഹരമായ ഒരു ചിത്രം പങ്കിട്ടുകൊണ്ട് മഞ്ജു കുറിച്ചത്. എല്ലാം ക്ഷമയോടെ നിരീക്ഷിക്കാൻ പഠിക്കൂ, എല്ലാത്തിനും പ്രതികരണം അർഹിക്കുന്നില്ല എന്നും മഞ്ജു മറ്റൊരു ചിത്രത്തിനായി പങ്കിട്ട ക്യാപ്‌ഷനിലൂടെ പറയുന്നു. നിരവധി താരങ്ങളും ആരാധകരും ആണ് മഞ്ജുവിന്റെ പുത്തൻ ചിത്രവും ക്യാപ്‌ഷൻസും ഏറ്റെടുത്തത്.

മഞ്ജു വാര്യര്‍ കേന്ദ്ര കഥാപാത്രത്തെ അവതരിപ്പിക്കുന്ന ഇന്തോ-അറബിക് ചിത്രം ആയിഷയിലെ ഗാനം അടുത്തിടെ സോഷ്യൽ മീഡിയ ഏറ്റെടുത്തിരുന്നു. പ്രഭുദേവ-മഞ്ജു വാര്യര്‍ മാജിക്കാണ് ഇതോടെ പ്രേക്ഷകര്‍ക്ക് അനുഭവപ്പെട്ടത്. ആയിഷ എന്ന ചിത്രത്തിലെ കണ്ണില് കണ്ണില് എന്ന ഗാനത്തിന് വ്യത്യസ്തമായി ചുവടുവെയ്ക്കുകയാണ് മഞ്ജു.

തമിഴിൽ ധനുഷിനൊപ്പം അസുരൻ എന്ന ചിത്രത്തിലൂടെയായിരുന്നു മഞ്ജു അരങ്ങേറ്റം നടത്തിയത്. അസുരനിലെ മഞ്ജുവിന്റെ പച്ചയമ്മാൾ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ധനുഷിന്റെ അഭിനയം കണ്ട് അതിശയിച്ചു കഥയെ കുറിച്ചുമെല്ലാം മഞ്ജു അടുത്തിടെ വാചാലയായിരുന്നു.

പൂർണ്ണിമയും, ഭാവനയും, ഗീതുവും സംയുക്തയും എല്ലാം തന്റെ പ്രിയങ്കരർ ആണെന്നും, മഞ്ജു അടുത്തിടെ പറഞ്ഞിരുന്നു. രണ്ടാം വരവ് താൻ ഏറെ ആസ്വദിച്ചുവെന്നും, ഇപ്പോൾ ഒരുപാട് വ്യത്യസ്ത കഥാപാത്രങ്ങൾ ചെയ്യാൻ കഴിഞ്ഞുവെന്നും മഞ്ജു പറയുന്നു. പ്രചരിക്കുന്ന ഗോസിപ്പുകളെ അർഹിക്കുന്ന അവഗണനയോടെ തള്ളി കളയാറുണ്ടെന്നും മഞ്ജു ഒരുപാട് തവണ പറഞ്ഞിട്ടുണ്ട്