Odiyan Movie: ഒടിയൻ കാണാനെത്തിയ പ്രമുഖർ

കൊച്ചി: ഒരു വ‍ർഷത്തിലധികമായി ആരാധക‍ർ പ്രതീക്ഷയോടെ കാത്തിരുന്ന ഒടിയൻ തീയേറ്ററുകളിലെത്തി. ഹ‍ർത്താലിനിടയിലും നിരവധി ഫാൻസ് ഷോകളാണ് സംസ്ഥാനത്ത് ഉടനീളം നടന്നത്. കട്ടൗട്ടില്‍ പാലഭിഷേകം നടത്തിയും, വാദ്യഘോഷങ്ങളോടെയുമാണ് ആരാധക‍ർ താരരാജാവിൻ്റെ ചിത്രത്തെ വരവേറ്റത്

വെളുപ്പിനുള്ള പ്രദ‍ർശനത്തിന് നിരവധി താരങ്ങളും എത്തിയിരുന്നു. സംവിധായകൻ ശ്രീകുമാര്‍ മേനോൻ ഒടിയൻ ജാക്കറ്റ് ധരിച്ചാണ് എത്തിയത്. മോഹൻലാലിൻ്റെ ഭാര്യ സുചിത്ര മോഹൻലാൽ, നീരജ് മാധവ്, ഫ‍ർഹാൻ ഫാസിൽ കൈലാഷ്, ഉണ്ണി മുകുന്ദന്‍ തീവണ്ടി നായിക സംയുക്ത മേനോന്‍ എന്നിവരും ആദ്യ ഷോ കാണാനെത്തി. എറണാകുളം കവിത തീയറ്ററിലാണ് മോഹന്‍ലാലിന്‍റെ ഭാര്യ സുചിത്രയെത്തിയത്. ഒടിയന്‍റെ നിര്‍മാതാവ് ആന്‍റണി പെരുമ്പാവൂരിൻ്റെ കുടുംബത്തിന് ഒപ്പമാണ് സുചിത്ര തീയേറ്ററിലെത്തിയത്