#Me too'നഗ്ന ചിത്രമയക്കൂ, പണം നല്‍കാം': അന്‍സിബയുടെ പരാതി

സോഷ്യല്‍ മീഡിയയിലൂടെ യുവാവ് നഗ്നചിത്രം ആവശ്യപ്പെട്ടന്ന പരാതിയുമായി ചലച്ചിത്ര താരം അന്‍സിബ ഹസന്‍. നിങ്ങളുടെ നഗ്ന ചിത്രമയക്കൂ, ഞാന്‍ പണം നല്‍കാം എന്ന് അജീഷ് എന്ന് പേരുള്ള യുവാവ് തനിക്ക് ഇൻസ്റ്റഗ്രാമിൽ സന്ദേശം അയച്ചെന്നാണ് അന്‍സിബ വെളിപ്പെടുത്തിയത്. മീ ടൂ ക്യാമ്പയിൻ ശക്തമാകുമ്പോഴും ആള്‍ക്കാരുടെ മനസ് മാറുന്നില്ലെന്നാണ് ഇത് വ്യക്തമാക്കുന്നതെന്ന് അൻസിബ പറഞ്ഞു.

അന്‍സിബ സോഷ്യല്‍ മീഡിയയില്‍ പോസ്റ്റ് ചെയ്ത വീഡിയോയില്‍ കമന്‍റായാണ് യുവാവ് ഇത്തരത്തിൽ സന്ദേശമയച്ചത്. വ്യാജ അക്കൗണ്ടായാലും നടപടി സ്വീകരിക്കുമെന്ന് അന്‍സിബ പറഞ്ഞപ്പോള്‍ യഥാര്‍ത്ഥ അക്കൗണ്ടാണെന്നാണ് യുവാവ് പറഞ്ഞത്. നടി അശ്ലീല സന്ദേശത്തിനെതിരെ പരാതിയുമായി രംഗത്തെത്തികഴിഞ്ഞു.