നിങ്ങളൊരു ട്രാൻസ്‌ജെൻഡർ ലേഡിയല്ലേ! നിങ്ങൾ തന്നെ പറയൂ: അവതാരകയോട് മറുചോദ്യവുമായി മീര!

സ്ത്രീകൾക്ക് സാമ്പത്തിക സ്വയംപര്യാപ്തത എത്ര മാത്രം മുഖ്യം ആണെന്നാണ് കരുതുന്നത്, എന്ന അവതാരകയുടെ ചോദ്യത്തിനാണ്. ഫിനാൻഷ്യൽ സേഫ്റ്റി വളരെ പ്രധാനമാണ്. നിങ്ങളോട് ചോദിക്കട്ടെ നിങ്ങൾ ഒരു ട്രാൻസ്‌ജെൻഡർ ലേഡിയല്ലേ, എത്രത്തോളം പ്രാധാന്യം ഉണ്ട് അതിൽ എന്ന മറുചോദ്യമാണ് മീര ഉയർത്തിയത്. എല്ലാ സ്ത്രീകളും സാമ്പത്തികമായി സ്വയം പര്യാപ്തത നേടണം. സ്വന്തം കാലിൽ നിൽക്കുക എന്നത് വളരെ പ്രധാനമാണ്. പ്രിയപ്പെട്ടവർക്ക് ഒരു ഗിഫ്റ്റ് കൊടുക്കണം മറ്റൊരാളെയും ആശ്രയിക്കാതെ നമുക്ക് അത് കൊടുക്കാൻ കഴിയുമല്ലോ, നമുക്ക് ആവശ്യമുള്ള സാധനങ്ങളും ആരുടെയും സഹായമില്ലാതെ നമുക്കും നേടാമല്ലോ- മീര പറഞ്ഞു.

സ്ത്രീകൾക്ക് സിനിമാ ഇൻഡസ്ട്രിയിൽ പ്രാമുഖ്യം ലഭിക്കുന്നുണ്ട് എന്ന് തോന്നിയിട്ടുണ്ടോ, എന്ന ചോദ്യത്തിനും മീര വ്യക്തമായ മറുപടി നൽകുകയുണ്ടായി. തീർച്ചയായും ഉണ്ട്. അത് ടാലന്റ് അനുസരിച്ചിരിക്കും. ആദ്യമെല്ലാം നമുക്ക് ശ്രദ്ധ കിട്ടണം എന്നില്ല. എന്നാൽ നമ്മുടെ കഴിവ് ആളുകൾ തിരിച്ചറിയുമ്പോൾ തീർച്ചയായും നമുക്കൊരു ബഹുമാനം ലഭിച്ചു തുടങ്ങും- മീര പറയുന്നു. വിവാഹശേഷം ആണ് ഞാൻ തമിഴിൽ അഭിനയിക്കാൻ ആരംഭിച്ചത്. ഭർത്താവിന്റെ വീട് ചെന്നൈയിലാണ് എന്നും അഭിമുഖത്തിനിടെ നടി പറഞ്ഞു.

മികച്ച അഭിനേത്രിക്കുള്ള സ്‌പെഷ്യൽ ജൂറി അവാർഡ് എനിക്ക് ശുപാർശ ചെയ്ത ശേഷം, ഒരു വലിയ സംവിധായകൻ എന്നെ പ്രശംസിച്ചു സംസാരിച്ചിരുന്നു. ഇത് ഈ നടിയുടെ ആദ്യ സിനിമയാണ് എന്നൊരിക്കലും തോന്നില്ല, അത്രയും മികച്ച അഭിനയം; ഇവർക്കൊരു അവാർഡ് നൽകേണ്ടതുണ്ട് എന്ന്. അദ്ദേഹത്തിൽ നിന്നും അത്തരം ഒരു പ്രശംസ ലഭിച്ചത് ജീവിതത്തിലെ വലിയൊരു നേട്ടമായാണ് കരുതുന്നത്. എനിക്കുണ്ടായ സന്തോഷം എങ്ങനെ പറഞ്ഞറിയിക്കണം എന്നറിയില്ല-മീര വ്യക്തമാക്കി.

എനിക്ക് രമ്യ കൃഷ്ണനെയും, ശരണ്യ പൊൻ വർണ്ണനെയും വളരെ ഇഷ്ടമാണ്. ശരണ്യ മാഡം അല്പം കോമഡി കലർന്ന കഥാപാത്രങ്ങൾ നന്നായി ചെയ്യുന്ന ആളാണ്. അത്തരം ഒരു കഥാപാത്രം ചെയ്യണം എന്നാഗ്രഹമുണ്ട്. ഒരു സീരിയൽ അവസാനിക്കുമ്പോൾ, നമ്മുടെ കഥാപാത്രം അവസാനിക്കുകയാണല്ലോ എന്ന സങ്കടം വരണം. അത്തരത്തിൽ എനിക്ക് സങ്കടം വന്നത് നായകി സീരിയലിലെ വസന്തിയമ്മ എന്ന കഥാപാത്രം ആണ്. നായകി സീരിയൽ രണ്ടാം ഭാഗം വരികയാണ് എങ്കിൽ ഞാൻ സംവിധായകനോട് കൈ കൂപ്പി ചോദിക്കും, ആ കഥാപാത്രം എനിക്ക് തന്നെ നൽകണേ എന്ന്. ഇപ്പോഴും എനിക്ക് ലഭിക്കുന്ന കമന്റുകളിൽ ആളുകൾ വസന്തിയെ പരാമർശിക്കാറുണ്ട്.