ലാൽ ജൂനിയറിനെതിരായ കേസ് വളച്ചൊടിച്ചെന്ന് നടി മേഘ്ന

ലാല്‍ ജൂനിയര്‍ കേസില്‍ മാധ്യമങ്ങൾ വാർത്ത വളച്ചൊടിച്ചാണ് നൽകിയതെന്ന് പരാതിക്കാരിയായ നടി മേഘ്ന. ലാല്‍ ജൂനിയറിനും ലാല്‍ മീഡിയക്കുമെതിരായ കേസ് നടിയെ അശ്ലീലം പറഞ്ഞ് അപമാനിച്ചതിനല്ലെന്നും മറിച്ച് സിനിമയില്‍ തന്റെ അനുവാദമില്ലാതെ ബോഡി ഡബിള്‍ (ഡ്യൂപ്പിനെ) ഉപയോഗിച്ചതിനാണെന്നും അവർ വ്യക്തമാക്കി.

മാതൃഭൂമി കപ്പാ ടിവിയിലെ ഹാന്‍ഡ് പിക്ക്‍ഡ് എന്ന പ്രോഗ്രാം അവതരിപ്പിക്കുന്നയാളാണ് മേഘ്‌നാ നായ‍ർ. ഒരു കാര്യവുമില്ലാതെയാണ് നടന്‍ ശ്രീനാഥ് ഭാസി, സഹസംവിധായകര്‍ എന്നിവരുടെ പേരുകള്‍ മാധ്യമങ്ങള്‍ വലിച്ചിഴക്കുന്നതെന്നും നടി പറയുന്നു. തന്നെ ഈ സിനിമയിലേക്ക് കൊണ്ടു വന്നത് ശ്രീനാഥ് ഭാസിയാണ്. ഇക്കാര്യം എഫ് ഐ ആറില്‍ രേഖപ്പെടുത്തിയിട്ടുണ്ട്. ഇതോടെയാണ് ഭാസിക്കെതിരെയും കേസുണ്ടെന്ന് മാധ്യമങ്ങൾ പറയുന്നത്.

ലാല്‍ ജൂനിയര്‍ അശ്ലീല സംഭാഷണം നടത്തിയെന്ന തരത്തില്‍ താൻ പോലീസില്‍ പരാതിപ്പെട്ടിട്ടില്ല. ഇന്ന് രാവിലെ ലാല്‍ ജൂനിയര്‍ തന്നെയാണ് കേസിനെ സംബന്ധിച്ച വിവരങ്ങള്‍ മാധ്യമങ്ങള്‍ക്ക് നല്‍കിയതെന്നും നടി വ്യക്തമാക്കി. ഫേസ്ബുക്കിലൂടെ താൻ നൽകിയ പരാതിയുടെ കോപ്പിയും പുറത്തുവിട്ട്, ഇതിലൊരിടത്തും താൻ അശ്ലീല സംഭാഷണമെന്ന ആരോപണം ഉന്നയിച്ചിട്ടില്ലെന്നും അവർ പറയുന്നു. കൊച്ചി പോസ്റ്റ് എന്ന വെബ് പോർട്ടലിന് നൽകിയ അഭിമുഖത്തിലാണ് ഇവർ ഇത് വ്യക്തമാക്കിയിരിക്കുന്നത്.

Meghna Nair’s case against Lal Jr. and Lal Media

Meghna Nair’s case against Lal Jr. and Lal Media is for using body double and not for saying lewd comments.