ബെൻസിൽ അല്ല മോളെ പഠിക്കാനയച്ചത്; നമ്മൾ ഭൂമിയിൽ നിന്ന് വേണം ജീവിക്കാൻ; അല്ലെങ്കിൽ വീഴ്ചയുടെ കനം കൂടും- മേനക- സുരേഷ്

വര്ഷങ്ങള്ക്ക് ലിഫ്റ്റിൽ നിൽക്കവെയാണ് തന്നെ സുരേഷേട്ടൻ പ്രൊപ്പോസ് ചെയ്തത് എന്ന് പറയുകയാണ് Behind woods - നു നൽകിയ അഭിമുഖത്തിൽ മേനക (Menaka suresh) . എന്ത് ഭക്ഷണം കൊടുത്താലും കുറ്റം പറയുന്ന ആളായിരുന്നു സുരേഷേട്ടൻ. അങ്ങനെ ലിഫ്റ്റിൽ വച്ച് ഞാൻ പറഞ്ഞു നിങ്ങളെ കല്യാണം കഴിക്കുന്ന പെൺകുട്ടിയെ വീട്ടിൽ നിങ്ങളുടെ അമ്മയ്‌ക്കൊപ്പം നിർത്തി കുറച്ചു പാചകം പഠിപ്പിച്ചിട്ട് വേണം വിവാഹം കഴിക്കാൻ എന്ന്. ഉടനെ എന്നോട് പറഞ്ഞു എന്നാൽ നീ എന്നാണ് പാചകം പഠിക്കാൻ അമ്മയുടെ ഒപ്പം വരുന്നത് എന്ന്- സിംപിൾ ആയി ഇങ്ങനെയാണ് പ്രൊപ്പോസ് ചെയ്യുന്നത്.

പല സിനിമകളിലും ഞങ്ങളുടെ ജീവിതവുമായി ബന്ധമുള്ള കാര്യങ്ങൾ ഉൾപ്പെടുത്തിയിട്ടുണ്ട് എന്നും ഇരുവരും പറയുന്നു. Poochakkoru Mookkuthi സിനിമയിലെ ക്ളൈമാക്സ് രംഗത്തിൽ ഞങ്ങൾ ഹണിമൂൺ പോയ അവസ്ഥ ആയിരുന്നു എന്നും മേനക പറഞ്ഞു. എത്ര പേരുണ്ടായിരുന്നു വണ്ടിയിൽ എന്ന് അറിയില്ലെന്നും മേനക പറഞ്ഞു. ഹണിമൂണിന് പോയ സ്ഥലത്ത് റൂം ഒന്നും ബുക്ക് ചെയ്തിരുന്നില്ല ഡോർമെട്രി ആണ് നമ്മൾക്ക് കിട്ടിയത്. ഇത് തന്നെ ആയിരുന്നു മിഥുനം സിനിമയിലെ ആ സീൻ എന്നും മേനക പറഞ്ഞു.

ഞാൻ മേനകയുടെ ഫാൻ ആയിരുന്നു. നമ്മൾ മനസ്സിൽ കണ്ട ഒരു പെണ്ണിന്റെ രൂപം ആയിരുന്നു മേനകയ്ക്ക്. തനി നാട്ടിൻ പുറത്തുകാരി കുട്ടി. ഞാൻ ഇതൊക്കെയാണ് മനസ്സിൽ കണ്ടത്, അതൊക്കെ ഒത്തുവന്നപ്പോൾ വിവാഹം കഴിച്ചു. എന്നാൽ പിന്നീടത് തെറ്റായി പോയി എന്ന് മനസിലായി എന്നും ചിരിച്ചുകൊണ്ട് സുരേഷ് കുമാർ പറഞ്ഞു.

എനിക്ക് രഹസ്യങ്ങൾ ഒന്നും ഇല്ല എല്ലാം ഞാൻ പറയും, ഇങ്ങോട്ട് എല്ലാം പറയുന്നുണ്ടോ എന്ന് എനിക്ക് അറിയില്ല അതുകൊണ്ടുതന്നെ സന്തോഷമായി മുൻപോട്ട് പോകുന്നു. മക്കൾക്ക് എല്ലാ സ്വാതന്ത്ര്യവും, സൗകര്യങ്ങളും നമ്മൾ ചെയ്തുകൊടുത്തിരുന്നു.

സ്‌കൂളിൽ ഒക്കെ കീർത്തി പോയിരുന്നത് ബസിലാണ്. ചെന്നൈയിലേക്ക് ഉള്ള യാത്രകൾ ഒക്കെയും തമ്പാനൂരിൽ നിന്നും ബസ്സിൽ കയറ്റി വിടുമായിരുന്നു. കുട്ടികൾ എല്ലാം അറിഞ്ഞുകേട്ടു, പഠിച്ചു വളരണം എന്ന് നിർബന്ധം ഉണ്ടായിരുന്നു. നമ്മൾ ബെൻസ് കാറിൽ കയറ്റി ഒക്കെ വിട്ടാൽ പിന്നെ അതിൽ നിന്നും ഇറങ്ങാൻ മടിയാകും. അവർ സ്വന്തമായി അധ്വാനിച്ചു വാങ്ങിച്ചോട്ടെ. എന്നാണ് നമ്മൾ ചിന്തിച്ചത് എന്ന് പറയുമ്പോൾ അവതാരകയുടെ സുഹൃത്താണ് കീർത്തി എന്ന കാര്യവും എടുത്തുപറയുന്നുണ്ട്.