'മിഖായേലി'ലെ ക്യൂട്ട് മാലാഖക്കുട്ടി! സാരിയഴകിൽ നവനി

2011ൽ സ്നേഹവീട് എന്ന സിനിമയിൽ ബാലതാരമായി അഭിനയിച്ചാണ് നവിനയുടെ സിനിമാപ്രവേശം. പക്ഷേ പിന്നീട് സിനിമയിൽ സജീവമായിരുന്നില്ല, പിന്നീട് 8 വർഷങ്ങൾക്ക് ശേഷം പ്ലസ് വണ്ണിൽ പഠിക്കുമ്പോഴാണ് മിഖായേൽ സിനിമയുടെ ഭാഗമാകുന്നത്.

കോഴിക്കോട് ദേവഗിരി സിഎംഐ പബ്ളിക് സ്‌കൂളിൽ പ്ലസ് വണ്‍ വിദ്യാര്‍ഥിയായിരിക്കുമ്പോഴാണ് താരം മിഖായേലിൽ എത്തിയത്. ഇപ്പോൾ പ്ലസ് ടു വിദ്യാഥിയാണ് നവനി ദേവാനന്ദ്.

ചിത്രത്തിൽ ജെന്നിഫർ എന്ന ജെന്നിയായി മികച്ച പ്രകടനമാണ് താരം കാഴ്ചവെച്ചിരുന്നത്. ക്ലൈമാക്സ് വരെ നിറഞ്ഞു നില്‍ക്കുന്ന കഥപാത്രമായിരുന്നു സിനിമയിൽ നവനിയുടേത്.

ആദ്യമായി നിവിൻ പോളിക്കൊപ്പം അഭിനയിക്കാനായപ്പോൾ നവനി ഏറെ സന്തോഷിച്ചിരുന്നു. കാരണം യുവജനങ്ങളുടെ ഹീറോയായി നിവിൻ നിൽക്കുന്ന സമയം അദ്ദേഹത്തൊടൊപ്പം ഒരു ചിത്രത്തിൽ. ചിത്രമിറങ്ങിയ സമയത്ത് നൽകിയ അഭിമുഖങ്ങളിൽ നവനി ഇത് പറഞ്ഞിട്ടുണ്ട്. മഞ്ജിമ മോഹന്‍ നായികയായി എത്തിയ ചിത്രത്തിൽ സുദേവ് നായര്‍, സുരാജ് വെഞ്ഞാറമൂട്, സിദ്ദിഖ്, ഷാജോണ്‍, കെ പി എ സി ലളിത, ശാന്തി കൃഷ്ണ തുടങ്ങി നിരവധി താരങ്ങളും ഉണ്ടായിരുന്നു.

ഇൻസ്റ്റയിൽ ഏറെ സജീവമായുള്ള നവനിയുടെ പുതിയ ചിത്രങ്ങൾ ഇനി വരാനിരിക്കുകയാണ്. അരുപത്തിയ്യായിരത്തിലേറെ ഫോളോവേഴ്സാണ് താരത്തിന് ഇൻസ്റ്റയിലുള്ളത്. ഇടയ്ക്കിടെ ഫോട്ടോഷൂട്ട് ചിത്രങ്ങൾ താരം പങ്കുവയ്ക്കാറുമുണ്ട്.

ചിത്രങ്ങൾ കടപ്പാട് -ഇൻസ്റ്റഗ്രാം.