മിന്നാമിനുങ്ങ് നാളെ തിയേറ്ററുകളിൽ; പ്രോമോ വീഡിയോ

സുരഭി ലക്ഷ്മിയെ ദേശീയ പുരസ്കാരത്തിന് അർഹയാക്കിയ മിന്നാമിനുങ്ങ് എന്ന ചിത്രം നാളെ തിയേറ്ററുകളിലെത്തും. ചിത്രത്തിന്‍റെ പ്രമോഷനോടുബന്ധിച്ച് രസകരമായ വീഡിയോയുമായി എത്തിയിരിക്കുകയാണ് സുരഭിയും രാഹുലും. കേട്ടുകഴിഞ്ഞാൽ അറബി ഭാഷയണെന്ന് തോന്നുമെങ്കിലും പ്രമോഷൻ ഭാഗമായി ചെയ്തതാണെന്നാണ് സുരഭി പറയുന്നത്.

വെള്ളിത്തിരയിൽ അധികമാരും ശ്രദ്ധിക്കപ്പെടാതിരുന്ന സുരഭിയെ മുഖ്യധാരയിലേക്ക് എത്താൻ സഹായിച്ചത് അനിൽ തോമസ് സംവിധാനം ചെയ്ത മിന്നാമിനുങ്ങ് എന്ന ചിത്രമാണ്. ചിത്രത്തിന് ലഭിച്ച പുരസ്കാരമാണ് സുരഭിയുടെ കരിയർ ഗ്രാഫ് തന്നെ ഉയർത്തിയത്. നിലനില്പിന് വേണ്ടിയുള്ള ഒരു സ്ത്രീയുടെ പോരാട്ടത്തിന്‍റെ കഥയാണ് മിന്നാമിനുങ്ങ് പറയുന്നത്. ഈ ചിത്രത്തിന് സംസ്ഥാന സർക്കാറിന്‍റെ ചലച്ചിത്ര പുരസ്കാരത്തിൽ പ്രത്യേക ജൂറി പരാമർശവും ഉണ്ടായിരുന്നു.



Minnaminugu-the movie promotion video

Actress Surabhi Lakshmi's promotion video for the movie Minnaminugu, which releases on July 21.