നമ്മുടെ വീട്ടിലും ഉണ്ടൊരു കടുവ! രസകരമായൊരു വീഡിയോയുമായി മിഥുന്‍ രമേഷും ലക്ഷ്മി മേനോനും

വ്‌ളോഗിംങ്ങിലൂടെയും ടിക് ടോകിലൂടെയുമായും സജീവമായ താരങ്ങളാണ് മിഥുന്‍ രമേഷും ലക്ഷ്മി മേനോനും. ഇവരുടെ മകളായ തന്‍വിയും വീഡിയോകളില്‍ പ്രത്യക്ഷപ്പെടാറുണ്ട്. ഇടയ്ക്ക് മിഥുനൊപ്പം ചാനല്‍ പരിപാടിയിലേക്കും ലക്ഷ്മിയും തന്‍വിയും എത്തിയിരുന്നു. അഭിനയവും ഡബ്ബിംഗുമൊക്കെയായി സജീവമായ മിഥുന്‍ അവതരണത്തിലും കഴിവ് തെളിയിച്ചിരുന്നു. സോഷ്യല്‍മീഡിയയില്‍ സജീവമായി ഇടപെടുന്നവരാണ് മിഥുനും ലക്ഷ്മിയും. കടുവ കണ്ടതിന് ശേഷം വീട്ടില്‍ നടന്ന രസകരമായൊരു കാര്യത്തെക്കുറിച്ച് പറഞ്ഞെത്തിയിരിക്കുകയാണ് മിഥുന്‍.
നമ്മുടെ വീട്ടിലും ഉണ്ട് ഒരു കടുവ എന്ന ക്യാപ്ഷനോടെയായിരുന്നു ലക്ഷ്മി മേനോന്റെ വീഡിയോ മിഥുന്‍ പങ്കുവെച്ചത്. അടുക്കളയില്‍ പാചകം ചെയ്തുകൊണ്ടിരിക്കുന്നതിനിടയിലാണ് ആ പാട്ടേതാ എന്ന് ചോദിച്ച് ലക്ഷ്മിയെത്തിയത്. ഏത് സിനിമയിലെ എന്ന് ചോദിച്ചപ്പോള്‍ കടുവയെന്നായിരുന്നു മറുപടി. ആവോ ദാമയെന്നായിരുന്നു മിഥുന്‍ പറഞ്ഞത്. ഞാന്‍ പുറത്തുണ്ടെന്നും പറഞ്ഞിരുന്നു. പാചകത്തിനിടയില്‍ ലക്ഷ്മി കടുവയിലെ പാട്ട് അലറിക്കൊണ്ട് പാടുന്നതായിരുന്നു വീഡിയോയിലുണ്ടായിരുന്നത്.
ഇവിടെ സേഫ് അല്ല മിഥുനേട്ടാ, അയല്‍വാസികള്‍ കൈകാര്യം ചെയ്‌തോളും. പാട്ട് സൂപ്പറാണ്, ചിരിച്ച് ഊപ്പാടായി, എങ്ങനെ സാധിക്കുന്നു, ഇത്രയും കാലമായിട്ടും നിങ്ങളിപ്പോഴും ജീവനോടെയുണ്ടല്ലോ ഭാഗ്യം, മിഥുന്‍ ബ്രോ ഇതിന് പ്രതിവിധിയൊന്നുമില്ലേ തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.
ലിറ്റില്‍ മാസ്‌റ്റേഴ്‌സ് ഷോ കണ്ടാണ് ദുബായില്‍ തുടങ്ങാന്‍ പോവുന്ന എഫ്എം സ്റ്റേഷനിലേക്ക് ആര്‍ജെയായി പോയത്. അങ്ങനെയാണ് ഇന്റര്‍വ്യൂവിന് പങ്കെടുത്തത്. അവതാരകനായെത്തുമ്പോള്‍ മലയാളം തന്നെയാണ് സംസാരിക്കാറുള്ളത്. ഇംഗ്ലീഷ് സംസാരിക്കേണ്ടി വരുമ്പോള്‍ അതും ചെയ്യാറുണ്ട്, അതാണ് തന്റെ രീതിയെന്നായിരുന്നു മുന്‍പ് മിഥുന്‍ പറഞ്ഞത്.