തീയേറ്ററുകള്‍ തുറക്കുന്നു; മുഖ്യമന്ത്രിക്ക് നന്ദി പറഞ്ഞ് താരങ്ങള്‍

ഈ വര്‍ഷം മാര്‍ച്ച് വരെ വിനോദ നികുതി ഒഴിവാക്കിയും മറ്റ് ഇളവുകൾ നൽകിയും സിനിമാ തീയേറ്ററുകൾ തുറക്കുന്നതിന് വഴിയൊരുക്കിയ മുഖ്യമന്ത്രി പിണറായി വിജയന് നന്ദി പറഞ്ഞ് മലയാള സിനിമാ താരങ്ങള്‍.
മലയാള സിനിമയ്ക്ക്‌ ഊർജ്ജം പകരുന്ന ഇളവുകൾ പ്രഖ്യാപിച്ച ബഹുമാനപ്പെട്ട കേരള മുഖ്യമന്ത്രി പിണറായി വിജയന്‌ സ്നേഹാദരങ്ങൾ എന്നാണ് അദ്ദേഹത്തോടൊപ്പമിരിക്കുന്ന ചിത്രം പങ്കുവെച്ച് നടൻ മോഹൻലാൽ ഫേസ്ബുക്കിൽ കുറിച്ചിരിക്കുന്നത്.

Also Read: സന്നദ്ധ സേന ബ്രാൻഡ് അംബാസഡർ; 'മിന്നൽ മുരളി' ലൊക്കേഷനിൽ ടൊവിനോയ്ക്ക് ആദരം

2021 ജനുവരി മുതല്‍ മാര്‍ച്ച് വരെയുള്ള സിനിമാ തിയറ്ററുകളുടെ വിനോദ നികുതി ഒഴിവാക്കാന്‍ സംസ്ഥാന സര്‍ക്കാര്‍ തീരുമാനിച്ചു. മുഖ്യമന്ത്രി പിണറായി വിജയന്‍റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം എന്നുള്ള യോഗതീരുമാനം പങ്കുവെച്ചുകൊണ്ടാണ് നന്ദി എന്ന് നടനും സംവിധായകനുമായ പൃഥ്വിരാജ് ഫേസ്ബുക്കിൽ കുറിച്ിരിക്കുന്നത്.

സിനിമാ സംഘടനാ പ്രതിനിധികളുമായി ഇന്ന് മുഖ്യമന്ത്രി നടത്തിയ ചര്‍ച്ചയെ തുടർന്നാണ് സിനിമാവ്യവസായത്തിന് ഏറെ ആശ്വാസം പകരുന്ന തീരുമാനങ്ങൾ സർക്കാർ കൈക്കൊണ്ടിരിക്കുന്നത്.
തീയേറ്ററുകള്‍ അടഞ്ഞുകിടന്ന പത്തു മാസത്തെ വൈദ്യുതി ഫിക്സഡ് ചാര്‍ജ് 50 ശതമാനമാക്കി കുറയ്ക്കും. ബാക്കി തുക ഗഡുക്കളായി അടക്കാന്‍ അനുവദിക്കും. 2020 മാര്‍ച്ച് 31നുള്ളില്‍ തിയറ്ററുകള്‍ തദ്ദേശസ്ഥാപനങ്ങളില്‍ ഒടുക്കേണ്ട വസ്തുനികുതി മാസഗഡുക്കളായി അടക്കാനും അവസരം നൽകി.

Also Read: മമ്മൂട്ടിയെക്കുറിച്ച് സ്വാസിക, എങ്ങനെയാണ് ഒരു മനുഷ്യന് ഇത്ര സിംപിളാവാന്‍ കഴിയുന്നതെന്ന് നടി!

തദ്ദേശസ്വയംഭരണം, ഇലക്ട്രിക്കല്‍ ഇന്‍സ്പെക്ടറേറ്റ്, ഫിലിംസ് ഡിവിഷന്‍, ബില്‍ഡിങ് ഫിറ്റ്നസ്, ആരോഗ്യം, ഫയര്‍ഫോഴ്സ് എന്നിവയുമായി ബന്ധപ്പെട്ട വിവിധ ലൈസന്‍സുകളുടെ കാലാവധി മാര്‍ച്ച് 31 വരെ ദീര്‍ഘിപ്പിക്കാനും സംസ്ഥാന സർക്കാർ തീരുമാനിച്ചിരിക്കുകയാണ്.

വിവിധ ആവശ്യങ്ങളുന്നയിച്ച് തീയേറ്റര്‍ ഉടമകള്‍, നിര്‍മ്മാതാക്കള്‍, വിതരണക്കാര്‍, ഫിലിം ചേമ്പര്‍ സംഘടന പ്രതിനിധികള്‍ തുടങ്ങിയവർ സംയുകത്മായാണ് ഇന്ന് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയത്. വൈദ്യുതി വകുപ്പ് മന്ത്രി എം.എം. മണി, തദ്ദേശസ്വയംഭരണ വകുപ്പ് മന്ത്രി എ.സി. മൊയ്തീന്‍, കെ.എസ്.ഇ.ബി ചെയര്‍മാന്‍ എന്‍.എസ്. പിള്ള തുടങ്ങിയവരും യോഗത്തിൽ പങ്കെടുക്കുകയുണ്ടായി.

Also Watch :