പാട്ടിന് ചുണ്ടനക്കുന്ന മോഹൻലാലിനെ കൈയ്യോടെ പിടിച്ച് സോഷ്യൽ മീഡിയ

വീണ്ടും ലാലിസം അടവുമായെത്തിയ മോഹൻലാലിനെ കൈയ്യോടെ പിടിച്ച് സോഷ്യൽ മീഡിയ. ഓസ്‌ട്രേലിയയില്‍ നടന്ന സ്‌റ്റേജ് ഷോയിലായിരുന്നു സംഭവം. നടി പ്രയാഗ മാര്‍ട്ടിനൊപ്പം ചന്ദ്രികയില്‍ അലിയുന്നു ചന്ദ്രകാന്തം എന്ന ഗാനം ആലപിക്കുന്നതിനിടെയാണ് ലാലേട്ടൻ്റെ 'ലാലിസം അടവ്' പാളിയത്.

പാട്ട് പാടുത്തുടങ്ങി ആദ്യ പല്ലവിയ്ക്ക് ശേഷം അനുപല്ലവി തുടങ്ങുമ്പോൾ മോഹന്‍ലാല്‍ കൈയ്യിൽ പിടിച്ചിരുന്ന മൈക്ക് ചുണ്ടിൽ നിന്നും മാറ്റിപിടിച്ചിരിക്കുകയായിരുന്നു. അനുപല്ലവി തുടങ്ങി ക്കഴിഞ്ഞാണ് അദ്ദേഹം മൈക്ക് അടുപ്പിച്ച്‌ പാടുന്നത് പോലെ അഭിനയിച്ചത്. ഇതാണ് ഇപ്പോൾ സോഷ്യൽ മീഡിയ കൈയ്യോടെ പിടി കൂടിയത്. ഇതിന്‍റ വീഡിയോ ക്ലിപ്പ് സോഷ്യല്‍ മീഡിയയില്‍ വൈറലാവുകയാണ്.

ഓസ്‌ട്രേലിയയിലെ ഒരു മലയാളി സംഘടന ഒരുക്കിയ മോഹന്‍ലാല്‍ സ്റ്റാര്‍നൈറ്റ് എന്ന ഷോയ്ക്കിടെയാണ് സംഭവം അരങ്ങേറിയത്. കേരളത്തില്‍ ദേശീയ ഗെയിംസ് ഉദ്ഘാടനത്തോടനുബന്ധിച്ച്‌ നടന്ന ലാലിസം ഷോ സമാന അനുഭവം മൂലം ശ്രദ്ധേയമായിരുന്നു.